金陵會潮宮

营业中

休息中

呢间新式酒楼装修好高级，坐得舒服唔会逼住晒，啲位好好坐呀！一啲传统点心好似菜苗饺同潮州粉粿都整得好好，菜苗饺入面好多虾肉好多菜苗，又有啲蒜蓉香，而粉粿入面就充满粉葛肉粒同葱，口感爽脆又丰富，两款晚既皮都好薄好烟韧，口感真系好好👍🏻仲有啲平啲好少见既点心，有家郷炸油粿，油粿入面都系咸咸既肉馅，但外皮就炸到好脆，脆卜卜既外皮同丰富既馅料好夹，一啲都唔会油腻唔会食到成口油👏🏻呢度既小菜同样出色，芋茸香酥鸭同普宁虾多士都系我地有试既。芋茸香酥鸭就系整到芋角咁，外面酥脆，内芯就系软糯既鸭肉同芋茸，芋味好浓，配鸭肉就最夹，热辣辣咁食，酥脆香口！另外既虾多士就炸得金黄香脆，虾肉好爽弹，放系松脆既多士上面，口感一绝🫶🏻