釜之魂釜飯專門店 (淘大商場) (已結業)

落雨湿湿，同朋友系九龙湾买完野就食晚餐，四围睇左一阵，最后朋友拣左黎哩度食鳗鱼饭，哩度鳗鱼饭有分金魂同银魂两种烧法(即汁烧同白烧)，仲有三个唔同部位比客人选择，最后朋友选择叫鱼尾位置，加$18可以有埋饮品、面豉汤和前菜，我就要了个蕃茄牛肉稻庭乌冬，另外见到冲绳苦瓜饺子都几特别同平时少食到，一于叫埋先。套餐的前菜系腌泡菜，当中有大豆芽、红萝卜丝和炸菜，甜甜辣辣，食到好开胃，我的蕃茄牛肉稻庭乌冬送到了，先饮一口汤底，汤很结身，浓浓的蕃茄味道中带小小微辣，稻庭乌冬比较扁身的，与平时所见到的一般乌冬唔同，口感滑Du Du，浸耐左都唔会湖，肥牛既份量都算多仲有些蔬菜配搭。冲绳苦瓜饺子: 外皮煎到金黄色，一咬落去巳食到苦瓜既味道。朋友期待的金魂到了，朋友急不及待起筷享用，他边吃边说鳗鱼咬落肉质好松脆香滑，不油不腻，厨师烹饪火候控制得很好 ，所以先会令到皮与肉之间的脂肪没有被烧干餐厅的布置光猛寛落，四围都挂了招牌食物的相片，令人增加食欲，仲有些搅笑卡通棒棒，比喜欢拍照的人拎黎影下相增添气氛。