影片
更多
2020-10-18
38 浏览
今日同fd路过中环嘅金鹤拉面，突然有啲肚饿，咁就出于安全起见谂住买兜外卖返去食。系门口等外卖，留意到入面个场都坐得几爆，心谂好彩无堂食。我地嗌左两个拉面一个小食，分别系京都抹茶鸡白汤拉面，另一个系史上极浓鸡白汤拉面，小食就循例嗌左我最爱嘅日式煎饺。为左避免啲面会淋，好贴心地帮我地分左汤～上到去当然就开始食指大动啦。打开个盒就闻到阵好香好浓郁嘅拉面高汤香味，令我地忍唔住全部打开，然后迫不及待咁倒啲汤落去碗面度，我𠮶碗抹茶拉面原来真系有阵抹茶味㗎，同鸡汤又非常夹，令人忍唔住一饮再饮。碗汤食得出系用鸡熬煮，非常鲜美。抹茶鸡汤嘅比例对我而言啱啱好，唔会太咸，非常适合健康人士～再讲下另一碗本身就系招牌嘅极浓鸡白汤拉面啦，呢碗我试过之后都认为系有惊喜嘅，觉得食落好够味，如果食开浓味嘅人应该会好钟意，鸡汤嘅浓郁配埋爽滑拉面简直一绝！啲面质系固定嘅，不过不失，软硬适中咁，比起面我更加钟意拉面啲汤底。叉烧煮得稍淋，糖心蛋都煮得啱啱好。煮面煮得唔hea，面同汤底结合，够用心，我钟意。另外仲有个日式煎饺值得一提，本身以为摆左一阵冻左会唔好食，但呢间令我发现原来冻左嘅煎饺都可以好香脆，睇黎下次去可以再enco
今日同fd路过中环嘅金鹤拉面，突然有啲肚饿，咁就出于安全起见谂住买兜外卖返去食。
系门口等外卖，留意到入面个场都坐得几爆，心谂好彩无堂食。我地嗌左两个拉面一个小食，分别系京都抹茶鸡白汤拉面，另一个系史上极浓鸡白汤拉面，小食就循例嗌左我最爱嘅日式煎饺。为左避免啲面会淋，好贴心地帮我地分左汤～
上到去当然就开始食指大动啦。打开个盒就闻到阵好香好浓郁嘅拉面高汤香味，令我地忍唔住全部打开，然后迫不及待咁倒啲汤落去碗面度，我𠮶碗抹茶拉面原来真系有阵抹茶味㗎，同鸡汤又非常夹，令人忍唔住一饮再饮。碗汤食得出系用鸡熬煮，非常鲜美。抹茶鸡汤嘅比例对我而言啱啱好，唔会太咸，非常适合健康人士～
再讲下另一碗本身就系招牌嘅极浓鸡白汤拉面啦，呢碗我试过之后都认为系有惊喜嘅，觉得食落好够味，如果食开浓味嘅人应该会好钟意，鸡汤嘅浓郁配埋爽滑拉面简直一绝！
啲面质系固定嘅，不过不失，软硬适中咁，比起面我更加钟意拉面啲汤底。叉烧煮得稍淋，糖心蛋都煮得啱啱好。煮面煮得唔hea，面同汤底结合，够用心，我钟意。
另外仲有个日式煎饺值得一提，本身以为摆左一阵冻左会唔好食，但呢间令我发现原来冻左嘅煎饺都可以好香脆，睇黎下次去可以再encore。
店员嘅态度都非常好，虽然好忙，但都对住我地好有耐心，呢点真系好抵赞，呢间确实可以再战，下次再经过我会毫不犹豫地行入去㗎。
张贴
