影片
更多
2023-10-08
92 浏览
呢日同朋友系尖沙咀行完街，去咗韩国食店林立嘅金巴利街揾食，见到多间烧肉店，炸鸡店，眼花撩乱最后拣咗近街尾呢间有粉红色招牌，光猛简洁嘅小店冇常见嘅烧肉同炸鸡，主打 粥、乌冬 同 饺子抱住新鲜感一试我哋都唔算系乌冬嘅fans，于是一人拣咗一款粥，同埋order 份平时韩国人食粥或者乌冬都会配嘅饺子先讲吓用餐前嘅感觉，餐厅虽小，装修简约，几句韩语嘅霓虹灯管(即时用手机translate佢嘅意思😆）、电视播住当红嘅K-pop MV，一排唔同颜色嘅招财猫有节拍地挥手迎宾，气氛唔错呢～店员先奉上腌萝卜同腌章鱼做开胃前菜，仲可以添食㗎呢～ 🫶🏻🔸釜山鲜鲍鱼粥釜山粥软棉加埋啖啖鲜鲍鱼片，仲有翠玉瓜粒、红萝卜粒同洋葱粒，口感配搭得好好粥面嘅韩式紫菜同埋麻油加埋落粥即刻带出阵阵韩风口味我本身好清淡口味，如果麻油嘅份量可以自选就更好喇！🔸泡菜章鱼粥 加咗泡菜嘅粥辣辣哋，好惹味章鱼增加嚼劲口感粥面嘅葱花同黑芝麻除咗为视觉效果加分，亦令味道提升我同朋友都觉得呢两款粥各有特色，不分上下鲍鱼粥味鲜泡菜章鱼粥比较惹味、少辣，唔太食得辣嘅朋友都可以试吓佢哋嘅配菜稍有不同，令到每款粥更有特色 👍🏻🔸煎韩牛饺子 🐮🥟饺子可
最后拣咗近街尾呢间有粉红色招牌，光猛简洁嘅小店
冇常见嘅烧肉同炸鸡，主打 粥、乌冬 同 饺子
抱住新鲜感一试
我哋都唔算系乌冬嘅fans，于是一人拣咗一款粥，同埋order 份平时韩国人食粥或者乌冬都会配嘅饺子
先讲吓用餐前嘅感觉，餐厅虽小，装修简约，几句韩语嘅霓虹灯管(即时用手机translate佢嘅意思😆）、电视播住当红嘅K-pop MV，一排唔同颜色嘅招财猫有节拍地挥手迎宾，气氛唔错呢～
店员先奉上腌萝卜同腌章鱼做开胃前菜，仲可以添食㗎呢～ 🫶🏻
🔸釜山鲜鲍鱼粥
釜山粥软棉
加埋啖啖鲜鲍鱼片，仲有翠玉瓜粒、红萝卜粒同洋葱粒，口感配搭得好好
粥面嘅韩式紫菜同埋麻油加埋落粥即刻带出阵阵韩风口味
我本身好清淡口味，如果麻油嘅份量可以自选就更好喇！
🔸泡菜章鱼粥
加咗泡菜嘅粥辣辣哋，好惹味
章鱼增加嚼劲口感
粥面嘅葱花同黑芝麻除咗为视觉效果加分，亦令味道提升
我同朋友都觉得呢两款粥各有特色，不分上下
鲍鱼粥味鲜
泡菜章鱼粥比较惹味、少辣，唔太食得辣嘅朋友都可以试吓
佢哋嘅配菜稍有不同，令到每款粥更有特色 👍🏻
🔸煎韩牛饺子 🐮🥟
饺子可以拣 ’蒸’ 或者 ‘煎’
我哋想食小小香口嘢，拣咗个煎嘅
饺子皮薄，脆脆哋
馅料调味适中，除咗牛牛，仲夹杂咗韩式粉线同其他配菜，点埋个饺子汁更惹味
平时唔多食韩国嘢，印象中，呢次更加系第一次食釜山粥，几有特色，而且有海鲜配料、人参鸡、仲有牛、猪可选择，亦有净蔬菜或泡菜等选择，可以满足到唔同人嘅口味
粥配饺子呢个组合简单得嚟好满足呢😌
我哋嗌咗一罐韩国梨汁，唔会太甜，几好饮㖞
店员表示餐厅等紧酒牌，下次嚟可以试埋佢哋嘅酒精饮品添～
张贴
