岩鹽日本料理 (利舞臺廣場) (已結業)

紫薯特色卷，而家紫薯咁流行大家一定疯狂抢购呢个紫薯寿司卷啦。紫薯打成茸捞左啲寿司米再加上新鲜芒果片几夹几清新。入边估唔到嘅系包左一啲类似薯蓉嘅馅料同个紫薯寿司质地好夹㗎。吉列忌廉蟹肉饼，食落去拍得好软滑真系觉得好有忌廉嘅感觉，再加埋一啲类似薯蓉同埋小小香嘅蟹肉味道，真系油物都唔觉得肥腻。广岛蚝釜饭，第一次试呢个新食法嘅饭，有啲期待。一来到觉得几特别，就有个用木造同埋好似有啲重量嘅兜装住啲饭，另外又有一阵另一种食法即同埋茶渍饭食嘅时候既茶。一打开好多烟好新鲜，一边睇都好丰富有栗子粒粒同埋有啲白鱼仔加埋调味同埋有啲菇菌类。其实四样嘢夹埋都几丰富。最后就加埋啲有啲木鱼嘅茶一齐加落去釜饭入边，咁啲饭焦就会浮起又唔会难整起，一齐食别有一番风味。最后仲饮埋店员介绍嘅菠萝青柠梳打有小小菠萝肉食下唔系得个味，已经算唔错梳打又够晒清新，可以好好洗净味蕾。今日系一个几好嘅体验，第一次试到呢个釜饭。