奈良上釜 (已結業)

唔介意得罪讲句，其实呢间初初开果阵我唔系太睇好，虽然釜饭专门店响香港好少见，但普通款式都同鱼生饭差唔多甚至再贵啲，其实都几唔吸引，但今次食落又觉得唔错。佢主餐牌有分基本单𩠌同多𩠌版，两者价钱都差唔少，但多𩠌版除咗𩠌料多几款之外，仲会有埋刺身煮物同生果，前两者质素都唔差的。至于两者都有嘅前菜中，最注目一定系个茶碗蒸，呢个蒸蛋都算大手笔，有蟹肉三文鱼籽同黑松露，三样取材个味都强烈，困住入个蒸蛋度个味变到好复杂下，唔系唔好味，但真系好复杂😌至于主角釜饭其实透过厨房个大窗都可以见到哂佢点整，白米加汤再直接烧个釜咁煲熟啲饭，因为用汤而唔系用水煲，所以个饭都几香，而且有啲啲饭焦，钟意食煲仔饭嘅应该都会爱上呢个日式煲仔饭。𩠌料全部都几高质，蟹肉好甜鳗鱼又好滑，唔错，而且见佢好似细细煲但个底其实好深，食得都好饱下。