御の味 (已結業)

湾仔见平时都食得多一啲平平哋嘅餐厅，但系就冇谂过原来呢度都有啲环境好好嘅日本餐厅！今日同屋企人嚟食omakase，虽然冇无到吧枱，但系咁样可以对住倾偈都系一个唔错嘅选择！我哋嗌左个二人餐，价钱唔会好贵，千几蚊左右，都食得好饱而且款式都好多！今晚除咗有最基本嘅刺身同寿司之外，最紧要梗系要睇埋佢啲熟食啦！佢哋银雪鱼我觉得系全晚最好食嘅一道菜，佢嘅银雪鱼配埋佢自制嘅酱汁，味道好夹而且烧得啱啱好，外面脆脆地，而鱼肉好滑身，我差啲想食埋屋企人𠮶旧🤣🤣而佢嘅刺身系以秋天为主题，成个摆盘好靓，而且有一啲刺身系平时好少食到。寿司方面佢啲饭唔会好大旧，而啲Wasabi就放埋入去揑，好正宗嘅感觉！最后，如果真系唔够饱嘅话，仲有山野菜乌冬，个汤清清地唔会好浓，而且个面嘅质地都好弹牙，好有口感。