銀杏時光

营业中

休息中

鼓励银发族就业嘅餐厅。原本以为佢地节奏会比较慢，点知同普通餐厅差唔多。有个员工入座𠮶阵问我地「你好吗」，好新颖嘅打招呼方式但又几warm。两个人叫咗鸡扒饭（黑椒汁）同滑鸡饭。所有午餐都会跟沙律吧，餐汤同饮品。沙律吧有生菜，扁豆同车厘茄，生菜写明系有机菜，因为啲生菜系常温嘅所以会差咁啲清新嘅感觉。汤都系自助，系罗汉果汤。鸡扒饭黑椒汁就比想像中辣，鸡扒就不过不失。滑鸡饭就相当唔错，啲鸡好滑又有鸡味，啲油饭就唔会好油，但个饭就无咩味。招呼真系好好，店员会问下我地啲嘢啱唔啱食，帮佢上餐佢地讲哂唔该，唔会应份咁。因为人唔多，佢地会热心加水，所以都系聊天好去处嚟，某啲日数仲要有人驻唱。