爺爺雞飯 (金百利中心) (已結業)

因事上星期中午时间喺铜锣湾出没，之前留意到有间喺金百利上楼星马菜，仲要好似几抵食。但见其他人嘅食评有讲话有味精，有少少犹疑，仲系到谂紧去唔去之际，听到同䢂有人话去食海南鸡，一出到街就望下佢哋行去边𠮶方向。心谂连喺呢头返工嘅朋友都去食，未必讲到咁差丫，于是乎就跟咗上去金百利。海南鸡饭点餐冇几耐个海南鸡饭就到，唔知系咪睇过其他人嘅食评，觉得鸡饭上到台第一眼觉得有啲hea嘅，可能系我先入为主咗。先食件鸡睇下点。又唔差㖞，鸡肉滑，味道都好。鸡油饭有光泽，有淡淡嘅鸡味。另外𠮶鸡汤几又惊喜，除左应有嘅鸡味之外，仲有几重嘅药材味，应该系党参𠮶啲。比较少系啲跟餐鸡汤到饮到。喜爱度(5分为满分): 4海南鸡饭拼肉骨茶之后上台嘅喺鸡饭拼肉骨茶，碟鸡个卖相好过净海南鸡饭𠮶碟。味道亦都同上面一样正路。可能系拼肉骨茶，𠮶餐系配白饭而唔系鸡油饭。肉骨茶喺马来西亚嘅口味，药材味够，甘中带甜。有齐油炸鬼，豆卜𠮶啲。肉排有两件，够淋够入味。整体唔错👍🏻。喜爱度(5分为满分): 4咖央多士最后就系咖央多，𠮶片牛油好厚，好邪恶😈。加埋层咖央酱，味道平衡得几好唔会太甜。唯独多士本身唔够热令到份咖央多有少少扣分。喜爱度(5分为