Steak Bar (已結業)

登龙街出晒名美食多, 就连呢间原本喺兰桂坊嘅Steak Bar 都搬埋过嚟, 新铺比旧铺宽敞得多, 座位编排都松动啲, 就算满座都唔会感觉迫挟。之前试过几款牛都非常出色, 今日就试下羊架啦。呢个套餐除左主角 - 羊架之外, 仲有埋沙律、冻豆腐同白饭, 够晒丰富呀！羊架表面完全煎封, 带点焦香, 一切开, 内里粉嫩多汁, 肉质柔软。羊肉同羊脂比例恰如其分, 羊脂喺口腔溶化, 同时散发出嘅迷人嘅羊膻味。怕膻嘅朋友只要将油脂切走, 就可以大大减低膻味, 但我最爱嘅正正就系𠮶层油脂, 膻膻地嘅羊先够惹味。三五知己倾计聚旧, 又点可以无小食呢。呢度嘅小食选择多, 而且质素之高, 绝对令你喜出望外！食过呢个炸鱿鱼, 你就会知道咩系真正嘅外酥内嫩, 薄薄嘅炸皮, 酥脆得嚟唔会太干, 包著极为爽嫩嘅鱿鱼, 将鲜味封存。更难得系佢调味不重, 亦无多余油份, 简直系好食到不能自拔。炸饺子外皮薄脆, 馅料混合打碎咗嘅鸡软骨, 食落咬到大量Q弹有嚼劲嘅小颗粒, 口感独特, 呢一餐实在令人回味乐无穷。