影片
更多
4天前
0 浏览
🔍大排档小炒 📍铜锣湾骆克道405-419号华发大厦地下A号舖-----最近天气好冻，原本谂住去街边大排档感受下𠮶种烟火气，但呢个季节喺街边食饭真系有啲刺激。于是就拣咗铜锣湾呢间室内大排档，环境干净舒服，可以食到大排档嘅美食，又唔使惊冻亲。餐厅地点几方便，由铜锣湾地铁站行过去大约4-5分钟。装修有啲怀旧Feel，木枱木椅，加埋啲复古招牌，保留咗港式大排档嘅怀旧味道。1️⃣ 金银蛋肉碎浸时菜（白菜仔）时菜有好多款可以拣，好似生菜、油麦菜、白菜仔、菜心、芥兰、豆苗等等。我哋拣咗白菜仔，啲菜一上枱就闻到金银蛋嘅香味，好吸引。白菜仔煮得啱啱好，嫩绿鲜甜，吸晒汤底嘅精华。汤底用金银蛋提鲜，再加埋啲肉碎，味道更加浓郁，咸香但唔觉腻。2️⃣ 铁板黑椒龙虾呢道系是晚嘅主角，一上枱，铁板嘅滋滋声再加埋酱汁嘅香味，令隔离枱都忍唔住望埋嚟。龙虾份量十足，肉质鲜嫩弹牙，黑椒汁调得恰到好处，带少少蜜糖香气，仲有三色椒等，唔会太浓，完全冇盖过龙虾本身嘅鲜甜味。每一啖都系鲜香加微微甜辣，好高质。3️⃣ 啫啫滑鸡煲啫啫煲一向系大排档嘅灵魂菜式，嚟到梗系要点嚟试下啦。鸡肉鲜嫩多汁，里面仲有大量猪膶，加埋咸香浓郁嘅酱汁，仲有啫啫煲独
📍铜锣湾骆克道405-419号华发大厦地下A号舖
-----
最近天气好冻，原本谂住去街边大排档感受下𠮶种烟火气，但呢个季节喺街边食饭真系有啲刺激。于是就拣咗铜锣湾呢间室内大排档，环境干净舒服，可以食到大排档嘅美食，又唔使惊冻亲。
餐厅地点几方便，由铜锣湾地铁站行过去大约4-5分钟。装修有啲怀旧Feel，木枱木椅，加埋啲复古招牌，保留咗港式大排档嘅怀旧味道。
1️⃣ 金银蛋肉碎浸时菜（白菜仔）
时菜有好多款可以拣，好似生菜、油麦菜、白菜仔、菜心、芥兰、豆苗等等。我哋拣咗白菜仔，啲菜一上枱就闻到金银蛋嘅香味，好吸引。白菜仔煮得啱啱好，嫩绿鲜甜，吸晒汤底嘅精华。汤底用金银蛋提鲜，再加埋啲肉碎，味道更加浓郁，咸香但唔觉腻。
2️⃣ 铁板黑椒龙虾
呢道系是晚嘅主角，一上枱，铁板嘅滋滋声再加埋酱汁嘅香味，令隔离枱都忍唔住望埋嚟。龙虾份量十足，肉质鲜嫩弹牙，黑椒汁调得恰到好处，带少少蜜糖香气，仲有三色椒等，唔会太浓，完全冇盖过龙虾本身嘅鲜甜味。每一啖都系鲜香加微微甜辣，好高质。
3️⃣ 啫啫滑鸡煲
啫啫煲一向系大排档嘅灵魂菜式，嚟到梗系要点嚟试下啦。鸡肉鲜嫩多汁，里面仲有大量猪膶，加埋咸香浓郁嘅酱汁，仲有啫啫煲独有嘅焦香味，好香口。底下嘅冬菇同洋葱吸满晒酱汁，又系一碟可以扫晒成碗饭嘅𩠌。
张贴
