Falò Bistro

营业中

休息中

谂起烧烤，大家都会谂起一啲偏远地方、例如西贡石澳或者、蝴蝶湾黄金海岸金海、最远啲嘅大美督！但系有冇谂过依家已经好多地方都可以有得自助烧烤再加饮靓酒？今次呢一间位于铜锣湾地铁站C出口，唔系太远，10分钟路程。就喺中威商业大厦入面。一间可以满足你几个愿望嘅酒吧BBQ餐厅！呢间酒吧BBQ餐厅、除咗烧烤系任食之外、冇酒精饮品都系任饮！份量亦都非常足够烧烤食物亦都好好食！重点系好多款唔同嘅靓酒俾你品尝、逢星期四八点仲会有专属嘅live Band乐队可以俾大家食住叹欣赏！胆粗粗嘅你亦都可以上台同大家一齐夹band！除咗听佢哋唱之外，你都可以上去高歌一曲！餐厅周围嘅位置都可以打卡影相、我最钟意就系佢红霞灯嘅设计、一个中指嘅造型、除咗型之外就系提醒我哋做人嘅宗旨！另外有下一层落咗楼梯有一个好科幻嘅红霞灯系白色，好有层次亦都好有艺术感！钟意打卡嘅，你一定要喺𠮶个位置影返张艺术相！餐厅分两层：楼梯下面就系天台部份可以攞嚟烧嘢食、坐吓倾吓偈！上层就系比大家倾吓偈饮下酒唱下K嘅地方！餐厅包场亦都系30至50人都可以容纳到再配上地方，除咗够大、食物除咗可以任食！仲可以上去唱吓歌！完全系生活嘅享受！A faio