酒津

营业中

休息中

今日放工去食咗间个名好有趣嘅日本料理，叫酒津，环境有鬼太郎特色，几有日本feel。我哋叫咗油甘鱼刺身，厚切劲有咬，味道清新、油脂重；带子刺身就因为挨住青柠片放，有柠香，好refreshing，加上带子本身都好新鲜，有海水香。牛脷$48一串，闻落去好香，食落弹牙有咬口，而且油香丰富，肉质鲜美，值得一试。银鱼西京烧入口滑溜，味道香浓，酱汁带有微微甜味，令人回味。冷乌冬配上浓郁嘅海胆同新鲜嘅松叶蟹，加上大大只嘅虾肉，口感丰富，海胆味突出、蟹肉新鲜而且足料，起码唔会得啲碎肉、虾肉刺身意外地好夹个乌冬，另外都几欣赏佢嘅烟熏，系令到成件事得到一个升华。黑松露炸鸡系唔错嘅佐酒小食，黑松露味唔会抢到风头，但炸得香脆，而且鸡件大件，非常满足。