浪．居酒屋 (已結業)

铜锣湾登龙街少有咁大间嘅居酒屋，有好多卡位，仲有啲望街景嘅位，餐牌有就好多选择，有刺身饭，涮涮锅等今次中午嚟食佐鹿儿岛和牛锅超级饱 ，有好多嘢食。（三宫格、小食、汤、刺身、杂菜、牛肉、乌冬)小食三宫格，影相又几靓㖞！薄切三文鱼刺身配黑松露酱油，我钟意黑松露味，所以我就觉得好好食。拖罗蓉牛油果脆脆，牛油果加拖罗蓉，perfect match，我钟意，又健康又好味。涮涮锅入面菇，豆腐菜、乌冬！再加入和牛(渌一渌）就即刻可以食，果然系和牛，入口即溶，正！好饱呀！石锅和牛蛋黄丼小心石锅边呀，好热嫁，煎香的和牛，味道特别好味，加埋啲温泉蛋，捞埋饭一齐食，顶呱呱。如果钟意食饭焦嘅朋友，可以留返个饭底唔好捞住，留返最尾先食咁就有饭焦啦。