影片
更多
2022-07-27
2951 浏览
上个星期去咗铜锣湾食顺德私房菜，个环境超正落地玻璃一边就居高临下望住铜锣湾闹市车水马龙同个海，另一边系望住跑马地马场全景， 景观好Grand好舒服😌环境咁正，咁嘢食方面又点样先？其实佢menu都几多嘢食，睇到我哋眼花撩乱，样样都想食😆最后我同朋友拣咗一啲特式菜色同埋一啲顺德嘅名菜，好似好正咁😜前菜先上个麻辣羊肚耳，本身我唔清楚羊肚耳系乜嘢，原来系其中一种类似雪耳嘅菌类，颜色都系白白黄黄，不过口感就似云耳，佢嘅麻辣做得好好👍一入口就有爽，麻，辣，香，我特别喜欢d蒜蓉味及芫茜香味！即刻开晒胃，准备大开食界啦😋跟住再上小食鲜蟹肉金钱炸蟹盒🦀，讲真呢个我几期待嘅，佢上到嚟嘅时候啱啱炸起仲热辣辣，一啖咬落去仲辣嘴㗎，切开中间真系满满嘅鲜蟹肉，食落去每一口都系鲜甜嘅蟹肉，仲有马蹄同松子，口感丰富啊！啱晒我啖啖蟹肉😜即刻联想到喺厨房嘅师傅好俾心机咁样拆啲蟹肉出嚟再酿入去再炸，真系巧手手工菜，而且个蟹盒外皮唔会炸太干，亦唔会有大浸油益味，外面香脆干爽，入面鲜甜爽口，好味好味😋再嚟黑毛猪豚肉生菜包🥙，有别于一般泰式嘅生菜包，佢用上黑毛猪豚肉，而且会预先腌咗再炒成肉粒，肉粒入口好嫩😍，有别于平时食生菜包啲
环境咁正，咁嘢食方面又点样先？其实佢menu都几多嘢食，睇到我哋眼花撩乱，样样都想食😆最后我同朋友拣咗一啲特式菜色同埋一啲顺德嘅名菜，好似好正咁😜
前菜先上个麻辣羊肚耳，本身我唔清楚羊肚耳系乜嘢，原来系其中一种类似雪耳嘅菌类，颜色都系白白黄黄，不过口感就似云耳，佢嘅麻辣做得好好👍一入口就有爽，麻，辣，香，我特别喜欢d蒜蓉味及芫茜香味！即刻开晒胃，准备大开食界啦😋
跟住再上小食鲜蟹肉金钱炸蟹盒🦀，讲真呢个我几期待嘅，佢上到嚟嘅时候啱啱炸起仲热辣辣，一啖咬落去仲辣嘴㗎，切开中间真系满满嘅鲜蟹肉，食落去每一口都系鲜甜嘅蟹肉，仲有马蹄同松子，口感丰富啊！啱晒我啖啖蟹肉😜
即刻联想到喺厨房嘅师傅好俾心机咁样拆啲蟹肉出嚟再酿入去再炸，真系巧手手工菜，而且个蟹盒外皮唔会炸太干，亦唔会有大浸油益味，外面香脆干爽，入面鲜甜爽口，好味好味😋
再嚟黑毛猪豚肉生菜包🥙，有别于一般泰式嘅生菜包，佢用上黑毛猪豚肉，而且会预先腌咗再炒成肉粒，肉粒入口好嫩😍，有别于平时食生菜包啲猪肉比较鞋同柴，黑毛猪豚肉粒嘅浓味加埋生菜嘅清新，我都钟意呢个fusion嘅做法，而且仲好精致将生菜切成贝壳形状，条边仲系波浪形㗎，又靓又好食，我包咗又食咗好多个😝
.
羊肚耳炒鲜淮山🥗，因为我个friend好钟意食淮山，呢个清清地就咁清炒，可以食到羊肚耳同埋淮山本身嘅味道，正常清炒味道，值得一提佢只碟好靓😜
.
仲有一碟生炒安格斯牛崧饭🍛，就咁睇佢其貌不扬就系普通嘅一碟炒饭，未入口炒饭香气扑鼻，入口又系不得了，炒饭同其他嘅材料好似安格斯牛肉崧，菜心粒，鸡蛋比例完美咁融合，炒饭够香，腍，软，最紧要有镬气！我个friend食咗一碗仔，其余大半碟我自己食晒，我承认我系饭桶😂但系真系几好食！
最后甜品🍮大良炸鲜奶，呢个系顺德名菜，佢就细细一条仔咁，中间系微甜嘅鲜奶，外层依然香脆，唔会觉得好油，值得一赞，呢间嘢嘅炸物真系炸得唔错👍
其实我好少食私房菜，不过今次呢间私房菜无论环境同埋食物我都觉得几高质几啱我口味👍大厨好嘢👏同埋服务态度都唔错啊，我见到网上话佢嘅冰镇咕噜肉好似好正咁，今次冇点到，下次有机会一定要试吓😜
店名：睿私房菜
地址：铜锣湾耀华街38号Zing!28及29楼
张贴
