悅廬精致江西菜

营业中

休息中

喺同事介绍下揾到呢间主打江西菜嘅餐厅，餐厅味道正宗，而且食材新鲜，整体体验都几唔错。先嚟南昌手磨米粉蒸肉，呢道菜用咗经过腌制嘅猪肉，配搭特制嘅米粉，蒸完之后米粉吸晒肉汁，同时猪肉仲保持到鲜嫩软腍，新奇得嚟口感同味道都真系唔错。山西井冈山烟笋炒三丝，呢道菜有肉丝同鱿鱼丝，非常爽口，而且辣得嚟好惹味。南昌牛肉炒米粉，加咗芽菜同牛肉丝嚟炒，米线非常滑溜，唔觉唔觉食咗几碟。藕带炒牛肉，亦系一道推荐菜，藕带系莲嘅茎，比莲藕爽嫩，炒过之后有啲似大葱嘅口感，餐厅用咗辣椒、豆豉、蒜同葱嚟炒，味道非常香浓。葱油饼，外面稍稍炸过，非常酥软，葱油香味扑鼻，食落质感软绵，食到好滋味。鱼头炖芋头，用咗江西特有嘅芋头仔，去咗皮并炆咗至少半个钟，芋头仔吸晒汤汁之后变得软淋淋，口感有啲似薯仔，鱼头好大，有好多鱼肉而且煮到好入味，最啱捞饭食。南昌白糖糕，外面脆脆地，沾满砂糖，甜度适中，系饭后甜品嘅好选择。江西菜味道偏重口味，所以我好appreciate餐厅用咗菊花茶，等我哋喺每度菜之间都可以清一清味蕾。