影片
更多
2023-07-14
781 浏览
某日同👧🏽去咗铜锣湾睇家私，六点钟睇完之后想食拉面，谂起附近有好多人推荐嘅别天神一直未有机会试，于是决定夜晚就食佢。六点松到达，未见有人入座，喺门口准备入去时发现左手边有部贩卖机，要喺度买完飞再入座，有点日本嘅感觉。食肉兽👦🏻拣咗虾味噌豚骨拉面，另加一只半熟蛋同一份叉烧。👧🏽就拣咗虾味噌饺子套餐（虾味噌豚骨拉面加四只饺子）入内后店员收到飞仔就准备拉面，店内有部电视仔，播嘅系原汗原味日本本土嘅电视节目😆我哋坐低之后亦陆续有客人入内进餐。拉面隔咗一阵就上菜了，虾味噌豚骨拉面铺满唔同颜色嘅食材，樱花虾、紫菜、粟米、葱同叉烧。重口味嘅👦🏻觉得汤底饮落有点失望，味道比想像中偏淡及质地未够浓郁，带有少少虾香，后尾加埋餐厅提供嘅蒜蓉落汤底有加分，多咗份蒜香同口感丰富咗。餐厅除咗提供蒜蓉外，仲有芝麻同辣芽菜。其中辣芽菜好好食，爽口得嚟仲有返咁上下辣度，即刻令到胃口增加。面底拣咗普通硬度，面质弹牙及有相当挂汤能力，不错。至于叉烧，唔系𠮶种入口即化嘅叉烧，而系实净弹口有口感嘅叉烧。腌得入味唔嚡又弹牙，有点惊喜，但👧🏽就表示佢𠮶份叉烧有点嚡同韧，不太理想。食到一半，👧🏽嘅饺子都上埋。饺子热辣辣，外皮酥脆，馅
六点松到达，未见有人入座，
喺门口准备入去时发现左手边有部贩卖机，要喺度买完飞再入座，有点日本嘅感觉。
食肉兽👦🏻拣咗虾味噌豚骨拉面，另加一只半熟蛋同一份叉烧。
👧🏽就拣咗虾味噌饺子套餐（虾味噌豚骨拉面加四只饺子）
入内后店员收到飞仔就准备拉面，店内有部电视仔，播嘅系原汗原味日本本土嘅电视节目😆我哋坐低之后亦陆续有客人入内进餐。
拉面隔咗一阵就上菜了，虾味噌豚骨拉面铺满唔同颜色嘅食材，樱花虾、紫菜、粟米、葱同叉烧。
重口味嘅👦🏻觉得汤底饮落有点失望，味道比想像中偏淡及质地未够浓郁，带有少少虾香，后尾加埋餐厅提供嘅蒜蓉落汤底有加分，多咗份蒜香同口感丰富咗。
餐厅除咗提供蒜蓉外，仲有芝麻同辣芽菜。
其中辣芽菜好好食，爽口得嚟仲有返咁上下辣度，即刻令到胃口增加。
面底拣咗普通硬度，面质弹牙及有相当挂汤能力，不错。
至于叉烧，唔系𠮶种入口即化嘅叉烧，而系实净弹口有口感嘅叉烧。腌得入味唔嚡又弹牙，有点惊喜，但👧🏽就表示佢𠮶份叉烧有点嚡同韧，不太理想。
食到一半，👧🏽嘅饺子都上埋。
饺子热辣辣，外皮酥脆，馅料份量适中，调味都还可以，咬开有少许肉汁，整体不过不失。
由于睇完食评大部分都俾颇高评价，所以带住期待嘅心情去试呢一餐，最后同预期落差有点大。食物整体合格，但又觉得未去到好出色及令我有回头嘅意欲。
Credit by 👦🏻
张贴
