小魚兒 (寶漢大廈) (已結業)

今次嚟到小鱼儿，唔系食鱼，而系专攻佢哋嘅另一招牌——鸡煲❤️呢度嘅鸡煲真系唔少人推介，所以今次决定嚟试吓究竟有几好食。🟧重庆麻辣鸡煲我哋拣咗半份嘅重庆麻辣鸡煲，点咗BB辣+小麻，呢个辣度对我嚟讲已经够惹味。一打开煲盖，香辣味即刻飘出嚟，真系劲吸引！鸡件数量都几足，啲鸡肉嫩滑入味，每一啖都充满香麻辣味道。虽然系BB辣，但辣劲都唔马虎，啱啱好够你食到又唔会觉得过火。🟪美国肥牛 + 响铃鸡煲食到尾声，梗系要加啲配料嚟变身做边炉啦！我哋拣咗美国肥牛同响铃，加埋鸡煲嘅浓厚鸡汁一齐煮。肥牛片片滑溜，牛味浓郁，而响铃吸晒个汤汁，入口系满满嘅滋味，鸡煲嘅汤底同啲配料融合得好好！🟨金汤花胶鸡丝翅捞饭最后嚟个压轴——金汤花胶鸡丝翅捞饭，真系平靓正！鱼翅份量唔少，大大旧，配埋大碗热辣辣嘅白饭，简直系完美组合。砂锅上枱嘅时候，个饭仲系咁滚，浓浓嘅金汤配埋香滑嘅鸡丝，真系食到好满足。