雲長小龍坎老火鍋 (已結業)

天气冻冰冰，个个都争住去打边炉。我最钟意就系去啲新开嘅火锅店试下。呢间充满中国装修嘅打边炉舖好似几掂㖞。田园蕃茄汤 ($128)呢个普通嘅蕃茄汤底唔算平，但胜在蕃茄味好够。最搞笑系个锅有两个龙头，果然气势迫人。小龙上上签拼盘 ($128)名就好有趣喇，原来系将火锅食材变成串烧，倒插系碎冰上面。呢个 Idea 几好，令人食得好方便，又唔怕跌咗落炉底执唔返。材料都好丰富，有墨鱼仔，鲍鱼，芝士肠，手打丸同鲜虾。玫瑰猪颈肉 ($58)卖相好花心思，睇落以为得三旧猪颈肉，其实分开后会好多件。猪颈肉好爽口，有啲肥纹，好高质。花雕鸡件 ($98)用花雕浸住嘅鸡件上面仲放咗杞子，鸡件非常入果，而且仲好鲜甜嫩滑，啖啖肉好掋食。翡翠豆苗 ($38)打边炉点都要食返啲菜，唔好成日娃娃菜、油麦菜咁闷，冬天嘅豆苗好靓，好嫩口又无渣。