Falò Bistro

营业中

休息中

通常去到铜锣湾个感觉除咗好多特色小食之外，呢一边仲多咗好多特色酒吧，今次去到铜锣湾桥底下面附近,叹美酒、烧烤BBQ！我好钟意呢间酒吧嘅装修、门前系Mario兄弟嘅图案，仲系好似会发光咁好靓好独特！入到去见到有个live Band嘅舞台可以比表演者或者钟意唱歌嘅你喺度一展歌喉！呢度定期都会有live Band表演唱歌嘅人全部来头都不少、除咗呢间酒吧拎咗好多奖之外，佢哋最出色当然就系likeBand嘅主音、就算你点歌佢哋都识得唱！当然佢哋嘅表演歌曲系最拿手啦！酒吧有分两层总面积有成2000尺咁大！落楼梯下面就系天台可以BBQ嘅地方、BBQ嘅嘢食亦都可以好饱，因为一大兜系任食！食物种类都OK都多！再加上佢秘制嘅泰式酱真系好好食！呢度有柠檬梳打水同埋汽水都系任饮！再加上天台BBQ嘅地方充满晒唔同嘅艺术光影落去都好靓！最后当然唔少得、就系吧枱嘅位置有精湛嘅Cocktail师做表演！除咗好靓之外、调酒技术一流！再加上杯杯Cocktail都好有特色！我最钟意就系𠮶杯充满艺术感会着火嘅Cocktail！真系充满神秘感！好啦，要开估呢一间喺香港既酒吧就系Faio bistro铜锣湾中威商业大厦5楼全层！