九鬼居酒屋 (耀華街)

营业中

休息中

最近去咗一间叫做九鬼居酒屋嘅餐厅，餐厅以武士为主题，挂满咗好多唔同嘅武士画。佢哋嘅特色就系串炸、关东煮、各式小食同埋日本酒，个气氛好好，好啱同朋友一齐嚟。
🥗 洋风刺身沙律：呢个沙律好新鲜，有牛油果，沙律菜，好靓既蕃茄仲有三文鱼同油甘鱼，配埋胡麻酱好开胃。🍢 串烧：佢哋嘅串烧选择好多，我地就拣左牛肩、冬菇、博多鸡翼、烧豆腐同埋烧鸡腿肉，每款都烤得啱啱好，酱汁都好惹味。1. 牛肩串烧：呢款牛肩肉质鲜嫩多汁，有淡淡嘅炭烧香味，咬落去肉汁四溢，。2. 冬菇串烧：冬菇上面加左平时食章鱼烧既鲣鱼干，信唔到咁样配搭出黎又几有惊喜！3. 博多鸡翼串烧：呢款博多鸡翼串烧外酥内嫩，肉质鲜美多汁，配埋酱汁，食落酥脆好味。4. 烧豆腐串烧：以豆腐嘅嫩滑口感为特色，外层烤得微焦，入面仲保持住豆腐嘅柔软口感。5. 烧鸡腿肉串烧：鸡肉经过炭火烧烤，肉质鲜嫩多汁，外皮烤得香脆，入口即化，带嚟浓郁嘅鸡肉风味。🍢 吞拿鱼盛：呢个料理以吞罗鱼为主，有大拖罗、中拖罗、赤身同埋香葱拖罗蓉小卷。大拖同埋中拖油脂好丰富，十分新鲜，口感一流。赤身感较为紧实，肉质鲜美。香葱拖罗蓉小卷入口即溶，好有惊喜！九鬼居酒屋气氛都好热闹同埋舒适