小魚兒 (寶漢大廈) (已結業)

小鱼儿今次推介喺铜锣湾宝汉大厦1楼有一间川菜餐厅叫「小鱼儿」，呢间餐厅虽然大厦有升降机，但升降机前面由一级，轮椅人士要自备斜板先可以搭升降机，餐厅入面装修主要以红色为主，呢度都算几宽阔，轮椅入到去唔洗就住就住泊车，餐厅食物款式比较多，例如有烤鱼、鸡煲、酸菜鱼、串烧等，总有一样啱你口味！1.老坛酸菜鱼锅（小辣小麻）$278（9.5/10）呢个老坛酸菜鱼锅叫咗小辣小麻，食起上嚟味道啱啱好，酸菜鱼个鱼系用鲈鱼，鱼片好滑无骨，我估计大约有50片鱼片，其他配料仲有芽菜、芫茜、好烟韧嘅麦粉等，份量非常之多！2.避风塘澳洲龙虾$198（10/10）呢个避风塘澳洲龙虾好惹味，龙虾连埋壳一齐炸，令到龙虾壳好酥脆，我都连埋壳一齐食，龙虾肉质鲜甜，份量亦好多，估计有3只澳洲龙虾！3.饮品放题$28*2（10/10）如果唔叫饮品放题嘅话，散叫每盒或每半饮品要$18，一樽冷泡茶要$38，所以我叫咗饮品放题，每位都系$28，唔叫饮品放题正傻仔！2人总共价钱$585，有加一服务费！个人口味总评分：9.83/10 @little.fish.hk 地址：铜锣湾波斯富街24-30号宝汉大厦1楼Please follow