影片
更多
2022-06-22
88 浏览
朋友喺铜锣湾返工，呢日佢带我去咗一间佢午餐成日食嘅店「CHIMPZ」。如果唔系佢介绍，我都唔知有呢间餐厅，店舖位于巷仔内街，位置唔显眼，但好在佢识得用射灯招牌💡。店舖面积唔大，一眼睇晒。尽管如此，店家亦悉心布置环境，四周围挂上猿猴公仔，以配合返餐厅名字同主题Chimpz🦧。餐厅介绍自己为日系西餐店，顾名思义，佢两样菜式都有卖🍽🍱，例如有盖饭、意粉同扒食等。主菜价钱由$88至$208不等，有平有贵，定价属中等水平啦。厚切肉眼牛扒配红菜头蕃薯蓉及杂菌($208)，🥩牛扒实物同图片有啲出入，因为并非厚切，而且亦无切开，不过味道搭救。牛扒七成熟，边位带点肥膏，食落肉味几浓又多汁，黑松露牛油调味几惹味，唯独系争少少口感。伴菜唔系一般嘅炸薯条，厨师精心配搭咗红菜头蓉同杂菇👍。意大利黑松露牛肝菌意大利粉($108)，🍝意粉款式繁多，我拣嘅呢款都唔错，但唔小心撞咗牛扒嘅伴菜，令口味重覆咗。🍄黑松露汁好浓郁，配以大量杂菇，每条意粉均挂满汁，但食到尾段就有啲啲滞。另外，面条处理得几好，质感弹牙。Chimps法式焦糖炖蛋($68)，炖蛋温度微微冻🍮，面头铺上一层焦糖，甜得嚟无过盛，但有少少痴牙。炖蛋口感细滑
朋友喺铜锣湾返工，呢日佢带我去咗一间佢午餐成日食嘅店「CHIMPZ」。如果唔系佢介绍，我都唔知有呢间餐厅，店舖位于巷仔内街，位置唔显眼，但好在佢识得用射灯招牌💡。
店舖面积唔大，一眼睇晒。尽管如此，店家亦悉心布置环境，四周围挂上猿猴公仔，以配合返餐厅名字同主题Chimpz🦧。
餐厅介绍自己为日系西餐店，顾名思义，佢两样菜式都有卖🍽🍱，例如有盖饭、意粉同扒食等。主菜价钱由$88至$208不等，有平有贵，定价属中等水平啦。
厚切肉眼牛扒配红菜头蕃薯蓉及杂菌($208)，🥩牛扒实物同图片有啲出入，因为并非厚切，而且亦无切开，不过味道搭救。牛扒七成熟，边位带点肥膏，食落肉味几浓又多汁，黑松露牛油调味几惹味，唯独系争少少口感。伴菜唔系一般嘅炸薯条，厨师精心配搭咗红菜头蓉同杂菇👍。
意大利黑松露牛肝菌意大利粉($108)，🍝意粉款式繁多，我拣嘅呢款都唔错，但唔小心撞咗牛扒嘅伴菜，令口味重覆咗。🍄黑松露汁好浓郁，配以大量杂菇，每条意粉均挂满汁，但食到尾段就有啲啲滞。另外，面条处理得几好，质感弹牙。
Chimps法式焦糖炖蛋($68)，炖蛋温度微微冻🍮，面头铺上一层焦糖，甜得嚟无过盛，但有少少痴牙。炖蛋口感细滑，唔会太厚或太稀，蛋香浓郁，好味道。
主菜可加$38升级做套餐，包沙律或餐汤同冻热饮品。🥗田园沙律正正常常，啲菜新鲜嘅，醋汁好酸，醒神开胃。
是日餐汤系红菜头忌廉汤，💜🥕红菜头只紫红色靓靓，餐汤几好味，口感有啲似薯蓉汤，因为充满打溶晒嘅红菜头肉，味道带啲天然嘅甜味。
饮品方面，我哋要咗冻日本抹茶拿铁($26)同冻桂花蜜香红茶($26)，饮品原价都唔贵。🍵Latte好好饮，抹茶同奶味平衡，甜度恰到好处。红茶都OK，散发出阵阵桂花香🌼。
总括嚟讲，从多方面(由餐牌设计以至店家同客人嘅沟通交流上)都睇得出小店用心经营，值得支持💪☺️。店员高度推介猪鞍扒，可惜朋友唔食猪，所以无食到，大家嚟帮衬的话不妨试吓啊。
张贴
