影片
更多
2024-08-13
662 浏览
📍The Grill Room (铜锣湾广场二期) (铜锣湾)铜锣湾骆克道463-483号铜锣湾广场二期3楼3B号舖今日同朋友庆祝生日，嚟咗铜锣湾广场二期嘅the grill room 食晚饭庆祝，首先一嚟到呢度嘅Waitress已经好有礼貌咁样嚟接待我哋，环境有少少暗，但系好有气氛，位置坐得好舒服好阔落，劲适合情侣庆祝Anniversary，或者食生日饭。咁我哋当日首先就叫咗一个Scallop Pumpkin Soup，味道系甘甜，而且中间有好大粒带子，饮完个汤之后变得开胃咗。Porcini Mushroom Risotto，佢嘅味道十分之香，闻到都已经觉得好好食，虽然系意大利饭，但系我觉得佢嘅软硬都适中，因为之前食过一啲意大利饭真系超级硬，个人认为呢一个唔错，除咗佢气味好香之外食落去都好Creamy，而且好重牛肝菌嘅味道，我个人超级喜欢。Mussels & Clams Rigatoni，意粉有少少硬，但系胜在酱汁惹味，而且mussels都几鲜甜，呢样又帮佢加返唔少分。最后我哋仲叫多咗一个Smashed Potato，焗薯好香，我哋连皮都食埋，中间应该系他他酱，提供咗我哋呢个饱肚嘅感
铜锣湾骆克道463-483号铜锣湾广场二期3楼3B号舖
今日同朋友庆祝生日，嚟咗铜锣湾广场二期嘅the grill room 食晚饭庆祝，首先一嚟到呢度嘅Waitress已经好有礼貌咁样嚟接待我哋，环境有少少暗，但系好有气氛，位置坐得好舒服好阔落，劲适合情侣庆祝Anniversary，或者食生日饭。
咁我哋当日首先就叫咗一个Scallop Pumpkin Soup，味道系甘甜，而且中间有好大粒带子，饮完个汤之后变得开胃咗。
Porcini Mushroom Risotto，佢嘅味道十分之香，闻到都已经觉得好好食，虽然系意大利饭，但系我觉得佢嘅软硬都适中，因为之前食过一啲意大利饭真系超级硬，个人认为呢一个唔错，除咗佢气味好香之外食落去都好Creamy，而且好重牛肝菌嘅味道，我个人超级喜欢。
Mussels & Clams Rigatoni，意粉有少少硬，但系胜在酱汁惹味，而且mussels都几鲜甜，呢样又帮佢加返唔少分。
最后我哋仲叫多咗一个Smashed Potato，焗薯好香，我哋连皮都食埋，中间应该系他他酱，提供咗我哋呢个饱肚嘅感觉。
呢度晚餐，价钱唔算平，两个人大约$800，如果想饮Sparkling Water，需要另外收费。但系食物质素同埋环境气氛我觉得都几ok, 特别系一啲节日嘅庆祝嚟呢度食饭，我觉得都系一个几唔错嘅选择！
#hkfoodie #hkeats #thegrillroom #香港好去处 #香港打卡 #香港美食 #西餐 #扒房 #铜锣湾 #铜锣湾美食 #香港探店 #香港必吃 #香港美食攻略
张贴
