影片
更多
2024-08-21
2161 浏览
呢间真系bookmark咗好耐，终于系个朋友生日嘅时候带佢上去食。呢到劲多打卡位，寿星都表示好钟意个环境。落紧单嘅时候已经有兜杂锦果仁摆喺枱面，我就系咁食系咁食。因为主要都系我落order，杯酒上到枱面嘅时候佢真系劲惊喜，即刻同我一齐拎部手机出嚟打卡。有啲可惜嘅系我平日嚟食，如果唔系因为系平日，我真系想嗌晒佢啲酒嚟饮，每一杯都劲吸引。‣ One Thousand & One Night $158‼️超级推荐‼️饮落去嘅时候觉得好有层次感，你饮到淡淡接骨木花嘅花香，然后仲有百香果带嚟嘅酸酸甜甜，搭配清酒所以成杯酒口感相当轻盈。入口相当甘甜顺滑，唔会话是但一种味道好抢风头，又唔会过于浓烈，作为开胃酒真系相当适合。而佢嘅神灯造型真系令佢攞足二百分，成个少女心都出晒嚟。‣ Beauty & The Beast $158‼️一样咁推荐‼️其实第一啖就已经饮到好重嘅荔枝味，之后就感受到草莓琴酒带嚟嘅果香，我觉得蔓越莓味唔算好出，但系大家配合得相当之好，令到个口感好立体。作为一个喜好甜酒嘅人，对呢一杯真系超级满意，𠮶种果味同埋酒精嘅交织就系会令到人欲罢不能。‣ 香烤西班牙八爪鱼脚伴加泰隆尼亚红椒坚果酱 $
One Thousand & One Night
$158
587 浏览
0 赞好
0 留言
‣ One Thousand & One Night $158
‼️超级推荐‼️饮落去嘅时候觉得好有层次感，你饮到淡淡接骨木花嘅花香，然后仲有百香果带嚟嘅酸酸甜甜，搭配清酒所以成杯酒口感相当轻盈。入口相当甘甜顺滑，唔会话是但一种味道好抢风头，又唔会过于浓烈，作为开胃酒真系相当适合。而佢嘅神灯造型真系令佢攞足二百分，成个少女心都出晒嚟。
Beauty & The Beast
$158
105 浏览
0 赞好
0 留言
‣ Beauty & The Beast $158
‼️一样咁推荐‼️其实第一啖就已经饮到好重嘅荔枝味，之后就感受到草莓琴酒带嚟嘅果香，我觉得蔓越莓味唔算好出，但系大家配合得相当之好，令到个口感好立体。作为一个喜好甜酒嘅人，对呢一杯真系超级满意，𠮶种果味同埋酒精嘅交织就系会令到人欲罢不能。
香烤西班牙八爪鱼脚伴加泰隆尼亚红椒坚果酱
$188
12 浏览
0 赞好
0 留言
‣ 香烤西班牙八爪鱼脚伴加泰隆尼亚红椒坚果酱 $188
‼️值得一试‼️我觉得餐厅喺酱汁调配方面相当出色，佢嘅坚果酱真系令到我相当难忘，唔单止突显到八爪鱼脚嘅鲜味，𠮶种微辣嘅红椒味真系画龙点睛，成个口感更加有层次。而本身八爪鱼烤得超级香，但系仍然保留到柔软嘅质感，所以先话佢一流。
澳洲M3和牛肉眼扒
$428
177 浏览
0 赞好
0 留言
‣ 澳洲M3和牛肉眼扒 $428
作为和牛肉眼扒真系冇可能难食，油花分布相当均匀，绝对唔会觉得肥腻，而我都系一贯惯性嗌medium，虽然肉眼扒唔算好厚身，但系都煎得啱啱好，相当唔错。佢有个酱汁伴碟，但系其实就咁用盐同埋胡椒调味已经令人好满意，极快就清咗碟。
香烤加拿大猪鞍配烤蔬菜及覆盆子酱
$328
8 浏览
0 赞好
0 留言
‣ 香烤加拿大猪鞍配烤蔬菜及覆盆子酱 $328
上枱嘅时候就发觉猪鞍份量相当足，绝对满足到食肉兽，咬落去嘅时候肉质都好嫩滑。呢个时候就不得不提个酱汁，又系将味道提升咗去另一个层次，酸酸甜甜嘅味道令到入口嘅时候比较清新，一路食嘅时候都唔会觉得油腻，我觉得系丰富咗成道菜嘅味道。而啲烤蔬菜个火候都平衡得好好，啲菜唔会话烧到干争争。
张贴
