影片
更多
2024-09-11
450 浏览
朋友本身都好钟意食中菜，有次咁啱讲起有个小笼包我哋都好想试，咁所以就大家约埋一齐去乐天食。食完之后觉得个小笼包真系冇令到我失望，而值得欣赏嘅系其他菜式都有返咁上下水准。‣ 特式皇朝小笼包 $148‼️超级推荐‼️成日广告见到，终于有机会一试啦！个小笼包原来仲有顺序可以睇住点食，我个人最钟意蟹粉，一啖咬落去汤汁嘅鲜甜味出晒嚟，而且入边仲包裹住蟹肉，相当出色嘅小笼包，唔需要搭配醋都觉得好出色。‣ 萝卜丝酥饼 $52外表炸得金黄酥脆，啲萝卜丝口感都相当细腻，唔会觉得好硬身，觉得萝卜嘅清甜同埋酥皮嘅香真系配合得好好，钟意食萝卜丝嘅真系唔好错过。‣ 芝麻酱油麦菜 $72呢道菜纯粹系平衡吓其他嘢食而嗌，同埋睇佢嘅摆盘觉得佢摆得好靓，咬落去啲菜都好新鲜，够晒爽脆。‣ 李白醉鸡 $92.0酒味唔算话好浓郁，啱啱好，而鸡肉都好嫩滑，都值得一嗌！而且个摆盘好靓，所以真系好顺理成章见到其他枱都有嗌。初时睇嘅时候谂住好快就食晒，但系食吓食吓发觉其实个份量都唔特别细，每一件鸡都几大块，所以食落都觉得好满足。‣ 皇朝酸菜鱼 $281我反而几钟意佢啲酸菜鱼唔会话真系太过酸，仲食到鱼嘅𠮶种鲜味，鱼片滑溜唔腥，而且又唔会话
‣ 特式皇朝小笼包 $148
‼️超级推荐‼️成日广告见到，终于有机会一试啦！个小笼包原来仲有顺序可以睇住点食，我个人最钟意蟹粉，一啖咬落去汤汁嘅鲜甜味出晒嚟，而且入边仲包裹住蟹肉，相当出色嘅小笼包，唔需要搭配醋都觉得好出色。
‣ 萝卜丝酥饼 $52
外表炸得金黄酥脆，啲萝卜丝口感都相当细腻，唔会觉得好硬身，觉得萝卜嘅清甜同埋酥皮嘅香真系配合得好好，钟意食萝卜丝嘅真系唔好错过。
‣ 芝麻酱油麦菜 $72
呢道菜纯粹系平衡吓其他嘢食而嗌，同埋睇佢嘅摆盘觉得佢摆得好靓，咬落去啲菜都好新鲜，够晒爽脆。
‣ 李白醉鸡 $92.0
酒味唔算话好浓郁，啱啱好，而鸡肉都好嫩滑，都值得一嗌！而且个摆盘好靓，所以真系好顺理成章见到其他枱都有嗌。初时睇嘅时候谂住好快就食晒，但系食吓食吓发觉其实个份量都唔特别细，每一件鸡都几大块，所以食落都觉得好满足。
‣ 皇朝酸菜鱼 $281
我反而几钟意佢啲酸菜鱼唔会话真系太过酸，仲食到鱼嘅𠮶种鲜味，鱼片滑溜唔腥，而且又唔会话好辣，味道相对上比较温和，但系够晒酸爽开胃。成个酸菜鱼唔会话好油腻，作为一个唔算好钟意食酸菜鱼嘅人我都觉得好食，朋友好钟意食，佢就系咁疯狂食，连啲薯粉都唔放过。
‣ 香煎豆沙窝饼 $73
最后都系忍唔住口嗌咗个甜品做结尾，外酥内软嘅口感真系令人欲罢不能。豆沙馅都够细腻香甜，欣赏唔会话甜过头。因为切得细细块，所以唔经唔觉就食咗好多。
张贴
