漁稼

营业中

休息中

今日去接朋友收工话想食酸菜鱼走咗去近加路连山道𠮶头附近揾嘢食，最后揾到间食酸菜鱼既餐厅。酸菜鱼大大盘超份量十足，因为朋友唔食得辣，所以我哋拣咗小辣，酸菜鱼入边有非常多嘅配料包括有芽菜，莲藕片，酸菜，莴笋金菇等等非常丰富，鱼片入口非常滑口而且完全一啲鱼骨，加埋酸菜一齐食非常开胃。串烧见人哋串烧食得好过瘾忍唔住叫咗几款嚟试吓，今次我哋就叫咗鸡中翼，腩片，同冬菇啲串烧果然真系唔错，腌得好够味配上面头的孜然粉令人食唔停口。冰镇滑捋捋豆腐叫咗咁多热嘢嗌咗个冷盘嚟食，冰冻嘅豆腐配上麻辣汁非常过瘾。黑糖糍粑面头啲花生碎食落口感有啲似麻糬咬落外脆烟烟韧韧，点埋黑糖酱非常滋味。