明道

营业中

休息中

今日同朋友去咗铜锣湾希慎附近嘅亨利中心一间叫「明道」嘅日式餐厅食午市定食，餐厅嘅装修简约新净，一入到去俾人一种舒服嘅感觉，有吧枱位同普通座位。我哋嗌咗汁烧活鳗鱼饭同银鳕鱼西京烧配饭，每个定食套餐都会配有茶碗蒸、面豉汤同咖啡或海盐雪糕。茶碗蒸嘅蒸蛋嫩滑，入面有冬菇、鸡肉、白果等配料；活鳗鱼饭可以拣盐烧或汁烧，我哋拣咗汁烧而个酱汁唔会太甜，呢间嘅鳗鱼肉唔系超肥美𠮶只，而系烧得比较干身但咬落去有口感𠮶只烧鳗鱼，食落去感受到烧鳗鱼嘅炭香同鱼油香，而且鱼身唔多鱼骨，鳗鱼皮烧到好脆，珍珠饭捞埋烧汁同紫菜好夹；银鳕鱼西京烧有两块银鳕鱼配一碗白饭，鱼身煎到好香，鱼肉结实用筷子夹落去唔易散开，两块鱼肉完全冇鱼骨，配上西京烧嘅汁同沙律酱令到食落去甜甜地，旁边有一堆沙律菜，可以平衡番鱼油嘅油腻感；面豉汤浓郁得来唔会太咸；定食套餐可以选择饭后跟一杯咖啡或雪糕，咖啡充满豆香，口感顺滑，海盐雪糕咸咸地，可以中和成餐饭嘅油腻感，清一清口腔入面剩低嘅鱼油味。📍铜锣湾恩平道42号亨利中心7楼位置就脚：🍊🍊🍊🍊🍊餐厅环境：🍊🍊🍊🍊🍊食物味道：🍊🍊🍊🍊🍊整体CP值：🍊🍊🍊🍊🍊