築地日本料理 (金百利廣場)

营业中

休息中

铜锣湾金百利广场嘅筑地日本料理，价钱够哂相宜，铜锣湾区嚟讲，可以话抵食添。冰梅番茄渍 $28冰冻嘅去皮番茄，加上日本梅子、醋同糖淹渍，入口凉浸浸，酸酸甜甜。牛油果软壳蟹卷 $48一客四件嘅牛油果软壳蟹卷，软壳蟹香脆可口。芝士玉子烧 $58出面食依个玉子烧，好多时都系切埋俾你，得果5-6件。筑地就原板玉子烧上，净系依度已经觉得好好。再加埋里面大大份嘅芝士，够哂邪恶嘅美食。板烧香蒜牛舌 $50起初只系谂住食三、五块牛舌过下口瘾，估唔到牛舌嘅份量都几多下，而且唔系薄切果种添。配埋喺铁板上烧到香甜嘅洋葱一齐食，好正。七味烧鲑鱼旗 $38用七味烧做调味嚟烧香烧熟嘅三文鱼旗。烧得外脆肉嫩，再加上旗位嘅油脂香，令烧三文鱼旗更加好味。鱿鱼卷鸡肉 $88鱿鱼内塞入咗鸡肉卷，鸡肉仲卷住青瓜同红萝卜。鱿鱼肉厚又鲜味，再加埋佢甜甜辣辣嘅汁，又好食，又食到好饱。筑地甜品拼盘 $48有好几款甜品都想食，所以叫咗筑地甜品拼盘。包括咗Terimisu、柚子蛋糕、北海道牛乳奶冻同埋绿茶雪糕。可以话系大满足呀。