A.T.A.S

营业中

休息中

系香港少见的新加坡菜，系铜锣湾就有一间，今晚就约埋朋友一齐去试下。Seafood Extravagance 海鲜盛宴$258听个名就知巴闭，丰富海鲜，咖哩酱汁唔算太辣，味道浓郁，香味扑鼻，同已拆蟹肉蟹膏完全咁融合。有超大只虎虾4大只，大虾头丰富虾膏，肉质爽口，鲜味满满。花甲完全冇沙，系酱汁底下索哂汁好惹味。苏东即系鱿鱼，份量都好多，切成细段更易入味，完全唔韧。年糕系底，索哂辣汁精华，食到停唔到口。鱼片同鱼旦爽口弹牙，同辣汁完美配搭。洋葱三色椒等蔬菜满满，健康之余口感更丰富。粟米超甜超甜，粒粒饱满弹牙。Coffee Pork Ribs咖啡骨$128咖啡骨真系第一次见，有成7-8条骨，咖啡味浓，估唔到同猪肋咁夹，而且肥瘦均匀，肉质好冧好入味，一咬就开，食落完全唔干口，咖啡同油香结合够哂创新。Ban Mian 海鲜板面$88材料十足，有虎虾、青口、肉丸、半熟蛋同炸鱼仔，板面似刀削面咁，煮得软硬适中，偏阔身更易索汤汁，口感顺滑Q弹。斑斓薏米水够哂消暑解渴。玫瑰柠檬配搭特别，颜色好抢眼，味道够清新。📌A.T.A.S地址：铜锣湾边宁顿街9-11号登龙阁地下C2号铺评语店员友善好客食物够新颖环境企理