影片
更多
2024-01-29
25 浏览
天气咁冻就一定要打边炉😆今次拣咗间怀旧主题的边炉店，餐厅有好多有好怀旧feel的海报同摆件，仲有超靓的霓虹灯，真系好有feel呀🤩一开始就有职员捧住大大盘鼓油同配料过嚟，可以自己调个豉油碟，佢嘅蒜茸好香呀😆冬甫美人锅(鸡汤）$228汤底非常鲜甜，一滚起都未落料已经饮咗大半碗汤，好好饮。汤料都几丰富，有半只鸡，鸡肉好鲜嫩，尤其系鸡髀位，鸡髀肉好滑溜。冬瓜吸收哂汤的精华，不知不觉就食咗几旧。桃胶都好好食，应该就系美人锅的美颜元素😆卖鱼胜推介 $398(8头鲍鱼4只、大元贝2只、海虾6只)呢款海鲜拼盘的海鲜真系非常新鲜，上枱时只虾仲郁紧。鲍鱼睇住时间嚟渌，3分钟就食得，食落好软腍，唔老唔硬，唔错🥰大元贝都真系几大只，贝柱位食落好有鲜味，又够弹牙。海虾渌熟咗的鲜红色好吸引，仲要大大只。虾肉结实爽口，真系好新鲜🤩鸳鸯滑 $108(蟹籽虾滑&黑松露墨鱼滑)虾滑非常弹牙，都好有虾味，加埋蟹籽好有口感；墨鱼滑的黑松露味好香，食落好惹味。唐生菜 $38好翠绿好新鲜，份量都几多。熟食 妃子笑 $78上网见到多人推介，咁就点一份试试，果然好正👍🏻呢款其实系米通脆虾球，外层好酥脆，虾球好爽口，虾味都好
天气咁冻就一定要打边炉😆今次拣咗间怀旧主题的边炉店，餐厅有好多有好怀旧feel的海报同摆件，仲有超靓的霓虹灯，真系好有feel呀🤩
一开始就有职员捧住大大盘鼓油同配料过嚟，可以自己调个豉油碟，佢嘅蒜茸好香呀😆
冬甫美人锅(鸡汤）$228汤底非常鲜甜，一滚起都未落料已经饮咗大半碗汤，好好饮。汤料都几丰富，有半只鸡，鸡肉好鲜嫩，尤其系鸡髀位，鸡髀肉好滑溜。冬瓜吸收哂汤的精华，不知不觉就食咗几旧。桃胶都好好食，应该就系美人锅的美颜元素😆
卖鱼胜推介 $398
(8头鲍鱼4只、大元贝2只、海虾6只)
呢款海鲜拼盘的海鲜真系非常新鲜，上枱时只虾仲郁紧。
鲍鱼睇住时间嚟渌，3分钟就食得，食落好软腍，唔老唔硬，唔错🥰
大元贝都真系几大只，贝柱位食落好有鲜味，又够弹牙。
海虾渌熟咗的鲜红色好吸引，仲要大大只。虾肉结实爽口，真系好新鲜🤩
鸳鸯滑 $108
(蟹籽虾滑&黑松露墨鱼滑)
虾滑非常弹牙，都好有虾味，加埋蟹籽好有口感；墨鱼滑的黑松露味好香，食落好惹味。
唐生菜 $38
好翠绿好新鲜，份量都几多。
熟食 妃子笑 $78
上网见到多人推介，咁就点一份试试，果然好正👍🏻呢款其实系米通脆虾球，外层好酥脆，虾球好爽口，虾味都好浓郁，蘸糖醋汁好好食！
乌龙茶 $19
去油解腻😆
甜品 啫喱 & 糖不甩
原来仲有甜品送😆啫喱ok啦，糖不甩超好食。糖不甩要落锅滚一滚再蘸花生碎，花生碎好脆好香，食落好正😊
九龙城同捞同煲 (坚拿道西) (铜锣湾)
铜锣湾坚拿道西10号冠景楼2楼B号舖
*上述文章只供参考及以当时价格为准
张贴
