稻埕飯店 (V Point) (已結業)

Tea time时间～系铜锣湾行紧街，行到攰攰地谂住揾地方坐下，咁岩就见到呢间餐厅的tea menu，个梳乎厘睇落劲吸引，咁就俾佢吸左入去🤣入到去想讲餐厅的灯光好迷幻，不过背景音乐的爵士乐都几好听😆黑糖珍珠舒芙蕾班戟配抹茶冰淇淋 $58班戟好柔软，切的时候都唔敢太大力，怕一切就散开，质地睇落好绵密，食落好松软，中间的cream好甜好好食🥰仲有好多好烟韧又弹牙的珍珠，蘸d黑糖浆，味道升华哂🤤抹茶雪糕有好浓的抹茶味，亦食到淡淡的牛奶味，上面仲有粒爆谷🤣不过溶得都几快草饼好烟韧，士多啤梨酸酸地，中和返其他食物的甜腻。芒果西柚丸子 +$26呢碗丸子都几足料，有好多小丸子😋小丸子食落好软糯烟韧，西柚肉酸酸甜甜，但个糖水底唔太有芒果味。中间的系豆腐花，食落都几滑溜。随餐饮品 神品巨峰乌龙茶打开茶壶盖一闻，乌龙茶味好浓郁，亦闻到好淡的提子味。饮落唔算浓味，饮唔到提子味，乌龙茶味都几淡。稻埕饭店 (V Point) (铜锣湾)铜锣湾登龙街18号V Point地库*上述文章只供参考及以当时价格为准