金田家

营业中

休息中

复活节人人都去外地，我就选择留港消费。喺港岛区玩咗一日之后非常攰，决定揾间近近地嘅拉面店作结，快手食完就可以返屋企。喺铜锣湾食拉面一定系谂起登龙街，有各式各样嘅拉面汤底可以选择，记得朋友之前介绍过金田家，于是就试试。晚上大概8:00入座，大概只有几台客人唔使排队直接可以坐低。本身好钟意食豚骨浓汤，于是叫咗豚骨拉面，老婆就叫咗鸡白汤拉面。唔使10分钟就送到枱面。另外餐厅嘅侍应都几有礼貌😀豚骨浓汤拉面嘅卖相几好，豚肉大概有6块，配料包括有葱、黑木耳、紫菜，另外加咗个糖心蛋。汤头来讲觉得稍为偏淡，可能日本食开嘅都比较浓味。豚肉非常有惊喜，有比火枪烧过，带有焦香嘅味道，口感都几滑👍🏻 整体都算几好食。反而鸡白汤拉面嘅汤底好出色，鸡肉都算好滑，好味程度拍得住座银。不过两个面底都偏少，大食嘅朋友可能要加一个替玉先够饱。