影片
更多
2023-02-17
56 浏览
同friend行街最钟意拣铜锣湾，贪佢够方便食肆又多。Sogo 附近人头涌涌，所以转咗去东角道揾食。无意中见到间外型非常新潮型仔嘅日式烧肉店，朋友仔即刻拍板决定系佢啦🤣店内干净整齐，装修用咗霓虹灯同漫画做点缀，真系几有日本热血嘅感觉。店中间放咗张长枱主打一人烧肉，而四周都有唔少嘅四人枱，真系自己放工食又得、约埋三五知己食都得😌一坐低，就俾佢嘅味架吸引咗，因为竟然有过十种调味料任君选择，仲要同一牌子都可以有三只口味拣，真系好有诚意🤩讲返正题，食烧肉当然要食靓啲，我哋决定叫一个套餐再追加大量肉类🥰澳洲安格斯肉眼套餐 200g ($247): 非常满意之选，特别系加咗$70升级左个套餐，所以有一碟满满嘅安格斯牛😍。安格斯牛雪花均匀而且唔油腻，而且牛肉味好重 (出面嘅牛有时食唔到牛肉味)，超值之选。海鲜三皇天 50g ($98) (甲罗烧🦀、大虎虾🦐、扇贝☄️): 成个海鲜组合好丰富，亦特别俾佢个甲罗烧吸引咗。甲罗烧即系味噌酿蟹盖，系日本传统嘅烧烤美食，香港本土比较少见，满满嘅蟹膏香味入口甘香👍🏻。大虎虾同扇贝都系鲜味十足，而且亦都好大只，呢个组合简直冇得顶。美国牛板腱 50g ($38): 个
Sogo 附近人头涌涌，所以转咗去东角道揾食。无意中见到间外型非常新潮型仔嘅日式烧肉店，朋友仔即刻拍板决定系佢啦🤣
店内干净整齐，装修用咗霓虹灯同漫画做点缀，真系几有日本热血嘅感觉。店中间放咗张长枱主打一人烧肉，而四周都有唔少嘅四人枱，真系自己放工食又得、约埋三五知己食都得😌
一坐低，就俾佢嘅味架吸引咗，因为竟然有过十种调味料任君选择，仲要同一牌子都可以有三只口味拣，真系好有诚意🤩
讲返正题，食烧肉当然要食靓啲，我哋决定叫一个套餐再追加大量肉类🥰
澳洲安格斯肉眼套餐 200g ($247): 非常满意之选，特别系加咗$70升级左个套餐，所以有一碟满满嘅安格斯牛😍。安格斯牛雪花均匀而且唔油腻，而且牛肉味好重 (出面嘅牛有时食唔到牛肉味)，超值之选。
海鲜三皇天 50g ($98) (甲罗烧🦀、大虎虾🦐、扇贝☄️): 成个海鲜组合好丰富，亦特别俾佢个甲罗烧吸引咗。甲罗烧即系味噌酿蟹盖，系日本传统嘅烧烤美食，香港本土比较少见，满满嘅蟹膏香味入口甘香👍🏻。大虎虾同扇贝都系鲜味十足，而且亦都好大只，呢个组合简直冇得顶。
美国牛板腱 50g ($38): 个人当晚嘅首选。牛板腱肉质有韧性而且牛肉味最出，油脂更能带出肉质嘅甘香，辨别度最高，实为一流之选。
美国牛胸腹 50g ($19): 以套餐配搭所以可以半价享用。亦系相当出色嘅肉类，牛胸腹肉质嫩滑有弹性，口感细腻实在一试难忘。
南美洲牛舌 50g ($38): 烧烤又怎能忘记牛舌？烧过嘅牛舌外脆内软，但咬落完全唔会渣或者过韧，推荐。
西班牙豚五花 50g ($38): 虽然牛肉系我嘅真爱，但应该会无人烧肉嘅时候会忘记五花豚肉😍 油脂均匀而且味道一流，个人觉得比韩烧店更加出色。
亚洲猪颈肉 50g ($38): 性价比超高。猪颈肉大大件而且非常弹牙，难怪友人指定要嗌猪颈肉啦。
饮品方面就叫咗Asahi 啤酒 ($29)、Graph Soda ($15)同粒粒粟米汤 ($15)。啤酒而家都做紧特价，下次再嚟一定啤啤佢😚
平心而论，今日享受嘅肉质素系非常高🌟。烧到香喷喷之后，肉质鲜嫩而且肉汁满溢，每一口都充满着肉类嘅甘香，配上白饭或者生菜都非常match。坊间某些烧肉店肉类系烧烤过后会”干噌噌”，或者会腌制味盖过肉类嘅鲜味，但呢间店就保留到肉质嘅鲜味以及嫩滑度，实在为一次味觉嘅盛宴💗
俾个小贴士大家，靓嘅肉系唔需要太多酱汁，反而配简单嘅柚子盐就已经回味无穷。😋😋😋
而餐厅嘅水系采用咗日本嘅还原水机，听到老板讲佢嘅食材都会用还原水处理，枱面嘅标签亦都特别介绍大家享用，大家记住饮埋杯水先走啊😆
张贴
