輝

营业中

休息中

铜锣湾出名食日本嘢，今次拣咗呢间几近地铁站嘅日式餐厅，一入到去见到装修都几精致，好有日式高级餐厅嘅感觉。一嚟到就嗌咗刺身拼盘，摆盘都几有心机。另外仲嗌咗两件海胆寿司，食落都鲜味，对得住个价钱。因为呢间餐厅太多选择，除咗食寿司刺身之外都试咗佢唔同嘅烧烤、串烧。呢碟鸡泡鱼干烧烧得唔会太干食落好有咸香。另外几特别嘅，就系呢个鳗鱼蛋卷，入边有鳗鱼同沙律，呢个配搭几有新鲜感！最后就嗌咗火灸A5和牛香葱伴面，啲和牛油脂感好重好香，配埋香葱底嘅面，食落真系大满足！