酒鍋 (V Point) (已結業)

完全中伏 千奇唔好帮衬睇完OpenRice餐牌见到佢有任食谂住去帮衬，政府又有消费券谂住可以用政府消费券俾钱，入到去佢完全冇讲话唔可以用消费券，剩系得单点火锅，冇咗任食个个，其实已经即刻想走，但个店员催不如我帮你落咗个锅底先，搞到我又唔好意思走，心谂反正都有消费券可以俾就当食返餐好🌚我哋叫咗个麻辣小辣锅同埋酸菜白肉锅，酸菜白肉锅啲猪肉鞋到食都食唔到🤢🤢。啲嘢完全唔算平，净系一碟芝士肠六条都$58，平均每条$10，真系想问你啲芝士肠系咪有金。佢啲橙汁话系鲜榨，完全系呃人，仲要$48一杯🤢🤢 到最后结帐𠮶阵因为见到OpenRice写住可以比支付宝，又收master ，就问佢系咪可以比支付宝，佢话净系收现金同实体卡🤢🤢，我呆咗咁问佢咁你网上又话可以收支付宝？佢话坏咗未整返好。大佬你未整返好就唔好写出嚟话可以收啦，唔系讲笑如果我知道你未整返好我一定唔会过嚟食。 呢一餐我食咗$1200， 话就话OpenRice订有九折优惠，你加返一上去咪冇啰，真系伏中之王，大家真系唔好去食，又贵又唔系特别好食。