Pololi (已結業)

星期五要揾餐厅食饭真系好难，周围都排长龙，好难得经过见到有间餐厅系唔洗派对既，所以我地就毫不犹疑咁入左去喇！入到去d staff好热情，知道我地系第一次黎，就好悉心咁介绍店内既菜式。唔讲唔知，原来夏威夷都有鱼生饭，呢d咁新奇既食物我地当然叫左黎试啦。其实个鱼生饭主要系有吞拿鱼，你可以选择配饭或者沙律菜，当然2样都要都可以。然后，你可以拣选不同既酱料同其他配菜。今次我拣左wasabi口味既，所以口味相对地比较日式。d材料全部都切到一粒粒，所以其实有d似平时食既日式角切鱼生饭。整体味道正常，对得住呢个价位既。不得不赞叹既系呢度d椰青，好清甜。同埋呢度d cocktail都系配合返夏威夷热情开心既主题，而且仲可以试下夏威夷常见既cocktail，对我地来讲系几新奇特别。不过讲到最特别既系呢度d staff，头先都有提到佢地系好热情。佢地似系顾客觉得开心难忘，同顾客既关系似系朋友，而唔系为左赚钱。食饭过程中系会不停地同你交流同分享自己既事，倾倾下开心又会一齐饮酒，成个感觉好high好欢乐。