影片
更多
2023-06-15
123 浏览
呢间主打食手工面嘅Vol.1 Cafe喺铜锣湾真系人气爆棚㗎✨去之前最好前几日book定位，如果唔系嘅话walk-in系唔会食到🤣我有几次前一日book都full🥹呢次终于俾我book到！😭💛餐厅座位唔多，所以好快满座，不过佢哋有露台🥰露台位置都chill㗎！🌟自制龙虾汁蟹肉手工宽面条🦞 $178呢个系餐厅嘅人气招牌✨几乎每一台都有叫㗎🤤上枱已经好香龙虾汤味😚每条宽面条都挂满龙虾汁，所以呈橙红色，上面仲有大量一丝丝嘅蟹肉😋第一啖食落去宽面条真系超级烟韧！感觉有啲似pici𠮶款🤤而且蛋味好香～每条面都好挂汁，一食落口系满满嘅龙虾鲜味，好似饮紧龙虾汤咁🫶🏻蟹肉成功黏住面条，食落更有口感，不过龙虾味太浓，所以盖过咗蟹肉嘅味道～同埋真系要share🤣食咗几啖就已经好漏同有啲油腻😂🌟牛肋条肉酱手工宽面条 $148我同朋友都钟意呢款多啲☺️面条一样好食😋不过呢款食落去冇咁重口味～面条上面有一座山咁多嘅牛肋条肉🤤💕牛肉酱系有一丝丝牛肉😚而且加咗洋葱丝～食落味道偏甜，有焦糖味😋捞埋一齐食甜甜地好香好好味！🌟慢煮白松露鸡胸配南瓜意大利饭🎃 $138另外叫咗一碟Risotto😆鸡胸肉有好多片，而且肉质好淋好
🌟自制龙虾汁蟹肉手工宽面条🦞 $178
呢个系餐厅嘅人气招牌✨几乎每一台都有叫㗎🤤上枱已经好香龙虾汤味😚每条宽面条都挂满龙虾汁，所以呈橙红色，上面仲有大量一丝丝嘅蟹肉😋第一啖食落去宽面条真系超级烟韧！感觉有啲似pici𠮶款🤤而且蛋味好香～每条面都好挂汁，一食落口系满满嘅龙虾鲜味，好似饮紧龙虾汤咁🫶🏻蟹肉成功黏住面条，食落更有口感，不过龙虾味太浓，所以盖过咗蟹肉嘅味道～同埋真系要share🤣食咗几啖就已经好漏同有啲油腻😂
🌟牛肋条肉酱手工宽面条 $148
我同朋友都钟意呢款多啲☺️面条一样好食😋不过呢款食落去冇咁重口味～面条上面有一座山咁多嘅牛肋条肉🤤💕牛肉酱系有一丝丝牛肉😚而且加咗洋葱丝～食落味道偏甜，有焦糖味😋捞埋一齐食甜甜地好香好好味！
🌟慢煮白松露鸡胸配南瓜意大利饭🎃 $138
另外叫咗一碟Risotto😆鸡胸肉有好多片，而且肉质好淋好嫩😋上面仲有白松露酱，令鸡胸味道更升华✨意大利饭呈金黄色，南瓜味好浓郁，每啖都好香甜🥰不过食落就比起意粉逊色😛
🌟 VOL.1香炸拼盘🍤 $98
里面有脆辣鸡翼、天妇罗炸虾🍤、鱼手指同薯角～全部都炸得金黄色，好酥脆，而且炸粉好薄☺️更配埋茄汁同松露酱可以点，松露酱超好味😝
🌟炙烧芝士牛肉酱薯角🧀 $68
牛肉酱份量超多😍完全盖过咗下面嘅薯角😍不过芝士味唔太出，食落有啲似牛肋肉酱意粉𠮶只肉酱，所以变咗冇乜惊喜🫣而且肉酱令薯角变淋咗，食落冇咁香口～反而点松露酱仲好食😳🤣
🌟抹茶巴斯克麻糬蛋糕 $68
呢个蛋糕都系好多人慕名而来嘅原因😂不过的地食完就觉得有啲失望🥹首先巴斯克蛋糕质感系好实，并唔系软心/流心𠮶只🥹而且中间嘅麻薯唔系烟韧𠮶种，反而似鲜奶麻糬好稀好流质😂而最顶淋满咗一层奶盖，但食落系冇味🥹不过抹茶味系几浓嘅，但似普通抹茶芝士蛋糕🙁
🌟抹茶奶盖士多啤梨牛奶🍓🍵 $52
饮品都几大杯！最底系士多啤梨酱，加上鲜奶，最顶就有厚厚嘅抹茶奶盖😍抹茶奶盖好杰身，抹茶味都好浓，会回甘但唔会觉得苦😛士多啤梨酱同鲜奶捞匀后唔会觉得甜，而且食到粒粒果肉😗再捞匀抹茶奶盖，感觉就似抹茶拿铁☺️味道好丰富！
🌟黑糖鲜奶米麻糬 $52
呢杯真心有惊喜😍饮落去黑糖味超浓！本身以为佢系粒粒麻糬，点知原来系鲜奶麻糬𠮶种，一吸会好似食咗鬼口水咁好得意😚🤣不过都真系好饱肚，饮饮下就饱咗😂
🌟奶盖桂花鲜奶乌龙茶 $48
呢杯系打卡之选🫶🏻蓝天白云咁好靓✨☁️奶盖系甜甜地，好似忌廉咁，饮落就有淡淡桂花味，不过茶味就唔太出～
Overall觉得呢间嘅手工面的确好高质！值得一试🥰😋不过其他野食就普通～推介大家可以叫手工面同小食！
加一服务费：❎
回头率：❤️❤️❤️❤️ (5个❤️为满分)
📍地址：Vol.1 Cafe (铜锣湾)
铜锣湾景隆街3号2楼
张贴
