La Moo Moo' s Steak and Fries

营业中

休息中

铜锣湾有好多楼上餐厅，如果唔识路都好难揾到，不过如果识路嘅话就有如 hidden gem。今日去嘅系一间环境气氛都好好嘅扒房 ，又有无限任添嘅薯条 ，非常值得推介。我同朋友去到每人叫咗一个套餐，有汤、沙律、包同主食。当晚餐汤系忌廉汤，creamy 得嚟唔会太过heavy。沙律有溏心蛋同面包碎，食落口感丰富，配合埋芝士粉同少少千岛酱，作为前菜非常适合。然后嚟嘅系餐前面包，虽然睇落普通，但系特别之处就系餐厅个肉桂酱，其实我平时好少食肉桂 ，不过呢个肉桂酱清清甜甜之余有淡淡的肉桂味，配面包食一流。然后嚟嘅系意大利黑松露忌廉意粉，浓厚嘅黑松露配合毫不吝啬嘅芝士粉，一放低已经闻到阵阵香味，令人食指大动。Steakhouse 重点当然系牛扒啦，我哋当晚叫咗一个10安士嘅纽西兰肉眼扒，牛扒煎到啱啱好，外面有少少炭嘅焦香味，入面就仍然都系粉红色 ，食落仍然嫩口。薯条偏幼身，所以炸得非常香口，食完再encore左一筒。