Dilliwale

营业中

休息中

前排去铜锣湾行街，咁岩我个朋友又好想食印度菜，记得之前铜锣湾食过间几好味嘅印度菜餐厅，就带佢去试下; 当日夜晚餐厅都几受欢迎，都见到有印度人帮衬。餐厅嘅装潢都好有印度style，灯光偏昏暗，都几有情调。 🥗Samosa Chaat 咖喱角沙律 佢同我地平时食开嘅沙律好唔同，佢系无生菜个啲，反而用咖喱角做配料; 咖喱角嘅馅料主要系薯仔和香料，配料有鹰嘴豆同红石榴籽，味道非常丰富，都有少少辣。 🫓Butter Naan 牛油烤饼 一盘烤饼有三大块，质地都好厚身，好适合配味道比较浓嘅酱汁一齐食，食完一块都已经好饱肚。🥘Butter Chicken 牛油鸡 牛油鸡其实就系咖哩鸡，酱汁偏杰身，味道非常浓郁，而鸡肉都好入味同嫩滑，好岩配埋牛油烤饼一齐食。 🥬Paneer Palak Wale 芝士菠菜 佢系一款印度嘅素食，将印度芝士同浓郁嘅菠菜汁一齐炖煮，仲可以食到一粒粒嘅豆腐乳酪，好岩配埋米饭同印度烤饼一齐食。 🍡Gulab Jamun with Rabri 玫瑰丸子配果仁甜浆 呢个系印度传统嘅甜品，表面口感扎实，而内里嘅口感偏湿润，味道都几甜，配埋坚果甜炼乳一齐食，甜度就变得岩岩好。