影片
更多
2025-02-03
302 浏览
船涡系铜锣湾一间主打蒸气海鲜锅嘅餐厅，将新鲜食材以蒸煮方式呈现，完美保留咗海鲜、肉类同配菜嘅原汁原味。从环境到食物整体体验都系令人满意嘅。餐厅以木质装潢配暖黄灯光，有种舒适同放松嘅氛围。每张枱都设有专属蒸气锅，设计得简单又实用，所有食物蒸煮嘅时间list哂出嚟，特别系唔洗同人share锅，想食咩就放咩，更能享受蒸煮海鲜嘅乐趣！今次我地点咗两个唔同价位嘅套餐：八府巡按套餐包括：沙律、炸饺子、芝麻鸡翼、白蚬、虾、北寄贝、鲍鱼、元贝、扁蛏子、鲜鱼片、龙虾、蟹／蛏子王（二选一）、安格斯牛肉／豚肉片／鸡腿肉（三选二）、三宝丸（牛骨浓汁牛丸、姜汁皮蛋贡丸、招牌墨鱼丸）、蔬菜拼盘、甜品、南瓜粥底呢个套餐嘅海鲜选择会更丰富一啲，卖相吸引之余质素亦非常高。特别一赞系海鲜确实新鲜，蒸熟后完全冇腥味，白蚬、扁蛏子同北寄贝好鲜甜，尤其系白蚬，肉质滑溜。今日嘅鲜鱼片系懵仔鱼，鱼肉嫩滑有鱼油香味。鲍鱼劲大只又𪪼牙，同埋+$1可以叫多一只真系唔可以错过！龙虾同蟹亦系套餐嘅亮点之一，肉质饱满鲜甜有嚼劲，强烈感受到海鲜嘅原汁原味（龙虾仲有膏！可以留返小小最尾捞粥食！）。肉类方面，安格斯牛肉牛味超浓郁，钟意食牛嘅朋友一定
船涡系铜锣湾一间主打蒸气海鲜锅嘅餐厅，将新鲜食材以蒸煮方式呈现，完美保留咗海鲜、肉类同配菜嘅原汁原味。从环境到食物整体体验都系令人满意嘅。
餐厅以木质装潢配暖黄灯光，有种舒适同放松嘅氛围。每张枱都设有专属蒸气锅，设计得简单又实用，所有食物蒸煮嘅时间list哂出嚟，特别系唔洗同人share锅，想食咩就放咩，更能享受蒸煮海鲜嘅乐趣！
今次我地点咗两个唔同价位嘅套餐：
八府巡按套餐
包括：沙律、炸饺子、芝麻鸡翼、白蚬、虾、北寄贝、鲍鱼、元贝、扁蛏子、鲜鱼片、龙虾、蟹／蛏子王（二选一）、安格斯牛肉／豚肉片／鸡腿肉（三选二）、三宝丸（牛骨浓汁牛丸、姜汁皮蛋贡丸、招牌墨鱼丸）、蔬菜拼盘、甜品、南瓜粥底
呢个套餐嘅海鲜选择会更丰富一啲，卖相吸引之余质素亦非常高。特别一赞系海鲜确实新鲜，蒸熟后完全冇腥味，白蚬、扁蛏子同北寄贝好鲜甜，尤其系白蚬，肉质滑溜。今日嘅鲜鱼片系懵仔鱼，鱼肉嫩滑有鱼油香味。鲍鱼劲大只又𪪼牙，同埋+$1可以叫多一只真系唔可以错过！
龙虾同蟹亦系套餐嘅亮点之一，肉质饱满鲜甜有嚼劲，强烈感受到海鲜嘅原汁原味（龙虾仲有膏！可以留返小小最尾捞粥食！）。肉类方面，安格斯牛肉牛味超浓郁，钟意食牛嘅朋友一定好钟意。丸类方面三宝丸（牛骨浓汁牛丸、姜汁皮蛋贡丸、招牌墨鱼丸）各有特色，皮蛋贡丸一咬开啲姜爆出嚟，算系一种surprise（？）。
九品芝麻套餐
包括：沙律、章鱼烧、白蚬、虾、鲜鱼片、大蚬、扁蛏子、鲍鱼、美国肥牛／豚肉片／鸡腿肉（三选二）、三宝丸、蔬菜拼盘，甜品、南瓜粥底
份量虽然较八府巡按少，但鲜味同质素同样保持高水准。另外小食章鱼烧外层脆卜卜几好食！大蚬同样鲜甜，虾亦新鲜，我就咁用筷子都可以剥壳。美国肥牛虽然冇安格斯牛味咁重，但冇雪味有少少肥膏都算好食。好似我咁唔食牛嘅朋友唔洗担心，豚肉同鸡腿肉蒸煮后保持咗嫩滑嘅口感都唔差嫁！
蔬菜拼盘有粟米、冬菇、生菜、娃娃菜同南瓜等，我特别钟意粟米同南瓜，因为明显可以感受到食材本身嘅甜味，能够平衡其他浓味海鲜同肉类菜式，食落清爽又解腻。
蒸气锅嘅方式将海鲜同肉类嘅鲜味发挥得淋漓尽致，食材质素高，尤其系鲍鱼、白蚬、懵仔鱼片等海鲜，表现非常出色。无论系家庭聚会定朋友聚餐都系一个令人满足嘅选择，值得一试！
张贴
