2nd Draft

营业中

休息中

今日放咗工之后同男朋友系铜锣湾觅食，见到铜锣湾开左second draft，好耐之前系大坑食过，印象中感觉几chill，食物味道都几唔错，于是就带左男朋友入去食啦😋💫大坑薯条记得第一次食大坑薯条果陈，朋友推介话全香港最好食既薯条🍟虽然食完之后觉得无佢讲到咁夸，但薯条口感非常香脆，加上面头孜然粉同辣椒干，滋味十足🤤另外薯条仲配有自家制千岛酱加高菜，食落酸酸甜甜，十分解腻。💫热浪炸菇估唔到鸡髀菇炸完之后仲十分juicy，上菜既时候仲热辣辣，佐酒一流。💫腐乳卡邦尼见到呢个combination几创新，本身都系试伏心态叫黎食，点知味道都几正常，腐乳味唔会太过浓郁，比想像中好食🤭💫啫啫鸡翼煲鸡翼十分迷你，但份量慷慨，食极都仲有🫢自家制既水牛酱加上蓝芝士，令到鸡翼味道非常特别，食落咸咸甜甜，十分惹味。最后我地仲叫咗两杯手工啤酒，分别系Chung king expresso同Peach ceylon IPA Hoppy，前者味道十分特别，真系饮得出咖啡味，而且麦味非常重，令人印象深刻。后者反而唔系话好饮得出个桃味，但味道都几清新。