泰濃麵 (蘭芳道) (已結業)

铜锣湾特色泰菜平时嚟铜锣湾好少走入呢条街，今日行街经过，发现呢度都几多餐厅，见呢间泰式餐厅既食物都几吸引，决定入嚟试下。泰式凤爪凤爪既份量都几多，酸酸地又带点微辣，都几开胃。炸虾片咬落香脆有声，加少少酱汁味道更佳。泰式海南鸡饭海南鸡肉质好嫩滑，配埋油饭同酱汁都几唔错。黑豚肉薯粉配冬阴功汤底材料非常丰富，有豚肉、蟹柳、秋葵、鲜虾，青口等。冬阴功味道浓郁唔太辣。薯粉系偏幼身果种，都几有口感。龙眼冰龙眼既味道突出得嚟又唔会太甜，仲有粒粒果肉。