Ember (已結業)

好多人成日都话铜锣湾后花园喺大坑，我觉得系告士打道望海景一带才是真正嘅后花园。呢到租金相对便宜一点，出奇地全部租金比起铜锣湾核心一带平好多。之前餐厅酒吧都会平一大截，我个朋友推介我哋呢度happy hour非常之抵，本身谂住过嚟同班friend倾吓计就算。点知佢嘅小食好平之余，仲被我发现咗佢嘅set dinner一样咁抵。汤有四个拣，有海鲜汤龙虾汤忌廉汤同冻汤，我选了牛肝菌忌廉汤，质素算几好。前菜好多海鲜拣，最后我拣咗令我非常满足嘅法国鹅肝。煎得几香加上焦糖苹果同杂莓黑醋嘅配搭，非常好食。主菜嘅选择非常多，由意大利粉到意大利饭，再有猪鸡鱼羊各种唔同嘅菜式，你完全想像唔到一间咁小嘅酒吧可以有咁多元化嘅嘢食，最出色系连猪「不见天」都有得食。不过我最后选咗最简单嘅肉眼扒，价钱唔算贵又几好食，扒嘅质素都几好。最重要系喺铜锣湾呢个咁热闹市区，佢有酒饮有咁多嘢食都系每人二百几蚊。加埋个甜品，讲真，如果我系男仔，约女食饭一定拣呢啲餐厅。场内都几有气氛，好多朋友四个女仔一枱，下次都可以咁样选择。