影片
更多
2009-01-29
99 浏览
12月25日, 圣诞节快乐~睇戏前去铜锣湾食个快tea先! 带咗呀比黎呢间隐藏于女人街入面既新忠记食厚多士~ 记得以前放学都会鼠入黎食个tea先返屋企架! 佢个成2寸厚既西多真系令人难忘! 不过今次唔想食咁肥, 所以试下另一种既厚多士又如何~::: 咖央厚麦包多士 + 冻奶茶 ::: $25都等咗ok耐... 不过真系几有水准! 成寸厚既多士烘得好脆! 薄薄既咖央微焦, 味道清甜香口~ 但系就麻麻地夹麦包个味~ 哈哈哈~ 下次都系唔好乱咁拼d野好d!冻奶茶非常有水准!! 茶味浓奶味足质地香滑, 而且好大杯~ 我饮咗三分一杯转外卖杯带走, 竟然仲可以装满成个外卖杯! 最赞系d冰溶晒奶茶味仲好浓厚! Delicious!:: 猪颈肉五香肉丁公仔面 + 热柠蜜 ::: $28猪颈肉公仔面餐跟一种配料~ 怕个公仔面汤底会好淡, 要五香肉丁既原因系佢有汁, 起码有味. 唔知点解, 只系一个好普通既公仔面啫, 都系等左好耐先黎… 份量都已经算唔错, 猪颈肉有5块, 有少少炭烧既味道咁啦. 唔算入味~ 五香肉丁系罐头货, 无需特别评论~ 最后讲下公仔面, 用丁面都算系咁, 不过味精加得好少, 非常悭
睇戏前去铜锣湾食个快tea先! 带咗呀比黎呢间隐藏于女人街入面既新忠记食厚多士~ 记得以前放学都会鼠入黎食个tea先返屋企架! 佢个成2寸厚既西多真系令人难忘! 不过今次唔想食咁肥, 所以试下另一种既厚多士又如何~
::: 咖央厚麦包多士 + 冻奶茶 ::: $25
都等咗ok耐... 不过真系几有水准! 成寸厚既多士烘得好脆! 薄薄既咖央微焦, 味道清甜香口~ 但系就麻麻地夹麦包个味~ 哈哈哈~ 下次都系唔好乱咁拼d野好d!
冻奶茶非常有水准!! 茶味浓奶味足质地香滑, 而且好大杯~ 我饮咗三分一杯转外卖杯带走, 竟然仲可以装满成个外卖杯! 最赞系d冰溶晒奶茶味仲好浓厚! Delicious!
:: 猪颈肉五香肉丁公仔面 + 热柠蜜 ::: $28
猪颈肉公仔面餐跟一种配料~ 怕个公仔面汤底会好淡, 要五香肉丁既原因系佢有汁, 起码有味. 唔知点解, 只系一个好普通既公仔面啫, 都系等左好耐先黎… 份量都已经算唔错, 猪颈肉有5块, 有少少炭烧既味道咁啦. 唔算入味~ 五香肉丁系罐头货, 无需特别评论~ 最后讲下公仔面, 用丁面都算系咁, 不过味精加得好少, 非常悭~ 要五香肉丁系精明选择~ 热柠蜜加$2, 柠蜜讲求既技巧系菜蜜同柠檬既适量配合, 由于唔驶加糖既关系, 伙计调较既技术十分重要. 而呢度既热柠蜜可算系中上, 有甜甜既菜蜜味又有柠檬香味~
今次我地上咗1条隐闭楼梯上咗2楼既阁仔, 发现原来楼上都几舒服架wor~ 都有几多人食, 可能因为咁而令食物迟咗上枱~ 闲时黎叹个tea都真系唔错~!
张贴
