影片
更多
2022-10-28
3354 浏览
最近又减肥，终于又来到呢个星期减肥计划嘅cheat day! 我唔理！我一定要食好嘢😋本住呢个要食好嘢嘅心💛我就谂返起上次去铜锣湾睇到马场景𠮶间睿私房菜 @chillprivatecuisine ，又想去𠮶度边睇铜锣湾夜景边食好嘢，于是就约朋友去𠮶度食餐好嘅😋弥补我呢两个星期减肥嘅辛苦（其实一啲都唔辛苦，自己喺度扮惨😝）我哋点咗佢一个晚市套餐，个名叫「爱的永恒盛宴」（$688/一位）个名好有母亲节feel💕🤣下次要再同阿妈嚟食得，不过见到佢个餐啲嘢食好啱我食，有海鲜又有豆腐咁，我唔理啦，好肚饿，通通同我上晒佢！🧆黎呢度必点嘅系佢嘅冰镇黑豚肉咕噜肉，虽然佢嘅套餐冇包，但系我都要另外叫一碟，因为真系好好食😋首先佢嘅卖相已经好吸睛，用冰镇咕噜肉仲要有啲干冰冒烟，打卡一流，佢嘅咕噜肉粒粒都炸到外脆内嫩，同埋佢嘅脆身系放咗好耐都仲好脆𠮶只，劲👍 中间嘅黑豚肉肥瘦均匀，咬落去好Juicy，好睇又好食嘅一道𩠌，不过食多几旧都会有啲漏，所以可以食返啲伴住的提子菠萝解腻，又再食过🤣🦪头盘系酒香花螺同埋霸王相思甲，个花螺酒味同咸味都几浓，个花甲就味道相对淡啲，靠上面啲榄菜吊返出个味🧆玉掌拼南非八头鲍鱼，鸭
最近又减肥，终于又来到呢个星期减肥计划嘅cheat day! 我唔理！我一定要食好嘢😋本住呢个要食好嘢嘅心💛我就谂返起上次去铜锣湾睇到马场景𠮶间睿私房菜 @chillprivatecuisine ，又想去𠮶度边睇铜锣湾夜景边食好嘢，于是就约朋友去𠮶度食餐好嘅😋弥补我呢两个星期减肥嘅辛苦（其实一啲都唔辛苦，自己喺度扮惨😝）
我哋点咗佢一个晚市套餐，个名叫「爱的永恒盛宴」（$688/一位）个名好有母亲节feel💕🤣下次要再同阿妈嚟食得，不过见到佢个餐啲嘢食好啱我食，有海鲜又有豆腐咁，我唔理啦，好肚饿，通通同我上晒佢！
🧆黎呢度必点嘅系佢嘅冰镇黑豚肉咕噜肉，虽然佢嘅套餐冇包，但系我都要另外叫一碟，因为真系好好食😋首先佢嘅卖相已经好吸睛，用冰镇咕噜肉仲要有啲干冰冒烟，打卡一流，佢嘅咕噜肉粒粒都炸到外脆内嫩，同埋佢嘅脆身系放咗好耐都仲好脆𠮶只，劲👍
中间嘅黑豚肉肥瘦均匀，咬落去好Juicy，好睇又好食嘅一道𩠌，不过食多几旧都会有啲漏，所以可以食返啲伴住的提子菠萝解腻，又再食过🤣
🦪头盘系酒香花螺同埋霸王相思甲，个花螺酒味同咸味都几浓，个花甲就味道相对淡啲，靠上面啲榄菜吊返出个味
🧆玉掌拼南非八头鲍鱼，鸭掌同埋鲍鱼都炆得非常之入味而且好腍，每一啖都食得出厨师花嘅功夫，非常享受😌
🥗香芒锅巴斑球，锅巴超香脆，唔油腻，斑球鲜嫩上面系沙律酱，好开胃，同埋另外有一碟杂菇炒蜜糖豆，食啲菜清下再食下一道。
🧆虾子琵琶豆腐，佢首先将啲虾子同埋肉打成琵琶豆腐，再淋一啲虾子汁落去，有虾子味嘅咸鲜同豆腐嘅嫩滑，我钟意呢一道啊！
🦪清酒蒸元贝皇，只元贝冇我想像嘅咁大只，不过食落都几鲜甜，饮埋啖清酒同元贝嘅精华先至系重点🍶
🍛鲜蟹肉蟹壳焗饭，蟹壳细细，中间装满炒饭，再铺满啲芝士去焗，几精致
🍮白芝麻布甸，呢个我好钟意㖞！出面食嘅甜品好多都系用黑芝麻整嘅，难得佢呢度系用白芝麻，味道系浓郁得来唔算好甜，特别又好食，好有记忆点💛
食饱饱好满足😋食完呢餐正嘢作为奖励自己，我又燃起返减肥嘅斗志啦，我记番起我减肥嘅初衷就系为咗要食更多好嘢食，我之后会继续努力㗎喇，Ursh ursh!!💪💪💪
张贴
