The Point (已結業)

经常系铜锣湾出入，都唔会对呢间餐厅陌生，因为系正登龙街嘅路口。今次同朋友终于来到呢度晚饭，而且质素仲要唔错。首先叫左一客香辣白酒煮大蚬，每只大蚬都非常胀卜卜，有著弹牙嘅质感而无杂质，加上白酒嘅香味，跟大蚬非常匹配。接著两款主菜，亦极具水准，木烤三文鱼配黑松露酱汁，用木烤方式烹煮，能够将鱼皮烧得香脆，而鱼肉依然保持嫩滑，加上特级秘制嘅酱汁，与三文鱼好夹。而M5和牛西冷牛扒亦卖相一流，火力十足将牛扒嘅表面烧得香烤十足，味道极为吸引，而切落去亦有丰富嘅肉汁，牛扒亦嫩滑易入口，果然系M5级嘅高质素享受!