The Point (已結業)

之前经过铜锣湾登龙街好多次，见到角落头有间食西餐，地方简约㓗静，想试咗几次都冇机会。今日终于的起心肝同女朋友一齐嚟试吓呢间登龙街嘅The Point。打开Menu，最引人注目嘅莫过于系佢嘅龙虾pizza，原只龙虾喺个Pizza上面，完全系未品尝味道先震撼你嘅视觉。个Pizza真系有好多龙虾肉喺度，仲有丰富嘅芝士同埋车厘茄，微酸嘅味道好醒胃。佢嘅肉丸整得几出色，食得出系自家制，肉味浓郁，配上微酸嘅番茄酱，再加块牛油面包，真系一个绝配。白酒煮蚬煮得啱啱好，蚬肉保持鲜嫩嘅感觉，而香浓嘅白酒味就系佢个酱汁𠮶度的散发出嚟。因为好耐冇食过炸蕃薯条，于是我哋两个就忍唔住口叫咗一碟。配合香辣嘅沙律酱，好有墨西哥嘅风味最后叫咗杯荔枝Martini，浓浓嘅酒香配合荔枝嘅果甜，令人回味无穷好想叫多杯，不过星期一都系唔好饮醉啦下次有机会再饮拜拜。