101手工涮涮鍋 (金朝陽中心二期 - Midtown)

营业中

休息中

呢间餐厅平日有做lunch set，十分抵食，一饭/面加三𩠌同饮品先ard $60，但就长期超多人，要食就真系要预多啲时间排队先搞得掂汤底叫咗沙茶汤底，当然要叫埋沙茶牛肉，平时都食开，牛大件又多。另一个推介系秘制台湾鸡件，平时边炉唔食鸡嘅我都次次会叫，真心又滑又够味。 另外个𩠌就嗌咗羽衣甘篮，感觉立即健康咗🤣。朋友都系沙茶汤底，但就好邪恶地叫咗公仔面，都偷食咗几条面，索哂汤底系正嘅。饮品就叫咗杯热蜜桃水果茶。 偏甜咗啲但系好多水果粒。同事就叫咗邪恶嘅忌廉砂冰，呢度冻饮一向大杯到傻，呢杯已经唔算大杯。位置方面，今次坐到近窗口卡位，几十蚊仲有海景位，认真不得了。