影片
更多
2024-02-03
2357 浏览
TGIF 星期五晚约fd 松一松. 今次喺铜锣湾试过江龙韩式连锁店「钟路鸡林」首家在港开设嘅分店. 餐厅创自1965年，喺韩国有成几十间分店真系家传户晓歴史悠久，就连韩国厨神白种元老师都力推过㗎. 装修真系好传统韩国店咁有啲复古. 咦，坐低都见有唔少韩国人帮衬㖞，感觉好地道. 坐低店员先奉上自家腌渍的萝卜泡菜、芽菜及韩式酱油. 有水任添同即弃围裙，几贴心. 主菜菜单贵精不贵多只有辣炖鸡汤及韩式鸡肉火锅两款. 份量有2/3/4人份, 价钱由三百几至五百几不等. 想更丰富可以另加十多款不同配料如刀削面杏鲍菇等. 另有多款小食好似韩式无骨鸡脚、蟹子紫菜饭团、煎饼及炒粉丝等等. 全部小食及调味都系韩国直送，够晒原汁原味. #辣炖鸡汤鸡锅用上原只本地鲜白鸡，size 特意挑上900g-1kg, 故此炖鸡可以保持肉质嫩滑又唔肥腻. 锅内有薯仔、大葱及韩国年糕等够腍够入味. 汤底劲爆多蒜，蒜球用成四个蒜头打成. 味度上辣度温和而且唔会太咸，可以当汤饮劲滋补又驱湿躯寒好啱近日天气饮. 店员温提，韩国人食法系会将少许蒜蓉加到酱油中，配鸡肉食，非常滋味. #韩式糖饼呢个真系比较少见所以一定要叫嚟试下，饼皮
装修真系好传统韩国店咁有啲复古. 咦，坐低都见有唔少韩国人帮衬㖞，感觉好地道. 坐低店员先奉上自家腌渍的萝卜泡菜、芽菜及韩式酱油. 有水任添同即弃围裙，几贴心. 主菜菜单贵精不贵多只有辣炖鸡汤及韩式鸡肉火锅两款. 份量有2/3/4人份, 价钱由三百几至五百几不等. 想更丰富可以另加十多款不同配料如刀削面杏鲍菇等. 另有多款小食好似韩式无骨鸡脚、蟹子紫菜饭团、煎饼及炒粉丝等等. 全部小食及调味都系韩国直送，够晒原汁原味.
#辣炖鸡汤
鸡锅用上原只本地鲜白鸡，size 特意挑上900g-1kg, 故此炖鸡可以保持肉质嫩滑又唔肥腻. 锅内有薯仔、大葱及韩国年糕等够腍够入味. 汤底劲爆多蒜，蒜球用成四个蒜头打成. 味度上辣度温和而且唔会太咸，可以当汤饮劲滋补又驱湿躯寒好啱近日天气饮. 店员温提，韩国人食法系会将少许蒜蓉加到酱油中，配鸡肉食，非常滋味.
#韩式糖饼
呢个真系比较少见所以一定要叫嚟试下，饼皮薄脆咬落质感好烟靭，质感似食老婆饼，饼内藏黑糖及玉桂等香料制成的糖芯，味道唔会太甜，丰富而有层次.
#海鲜煎饼
韩国地道小食之一，口感相当Q弹，皮几酥脆唔油腻，韮菜几足料好香，不过呢海鲜用料如果多啲更好.
下次试下唔辣嘅鸡锅先仲有其他小食，想试吓嘅朋友仔记得bookmark 喇.
32 浏览
0 赞好
0 留言
50 浏览
0 赞好
0 留言
34 浏览
0 赞好
0 留言
27 浏览
0 赞好
0 留言
31 浏览
0 赞好
0 留言
张贴
